Athugaðu að ef þú ert með virka umsókn í tengslum við ökuréttindi hjá Sýslumanni er skírteinið ekki aðgengilegt á Mínum síðum Ísland.is á meðan. Þetta getur átt við umsóknir um fullnaðarskírteini eða aukin ökuréttindi.

Athugaðu einnig að ef þú ert með gamalt ökuskírteini á pappír, gefið út fyrir 1998, en ekki nýrri plastkortin getur þú ekki sótt stafrænt ökuskírteini fyrr en þú hefur uppfært það hjá Sýslumanni. Best er að hafa samband við Sýslumann á þínu svæði til að endurnýja ökuskírteinið og fá nýju útgáfuna. Við það opnast möguleikinn á að sækja stafrænt ökuskírteini.