Vinnusamningar öryrkja

Vinnusamningar öryrkja eru endurgreiðslusamningar við atvinnurekendur sem ráðið hafa fólk með örorkulífeyrisgreiðslur og er þeim ætlað að auka tækifæri fyrir atvinnuleitendur með skerta starfsgetu til þátttöku á almennum vinnumarkaði.

Atvinnurekandi getur fengið hluta af launagreiðslum endurgreiddan með vinnusamningi öryrkja.

Skilyrði

• Starfsmaður er 18 - 67 ára.

• Starfið sem viðkomandi sinnir er á almennum vinnumarkaði.

• Starfsmaður fær greiddan örorkulífeyri frá Tryggingastofnun.

• Endurgreiðslusamningar skulu vera í samræmi við gildandi kjarasamninga í þeirri starfsgrein sem starfið tilheyrir. Samningurinn skal aldrei vera lægri en lágmarkslaun.

Endurgreiðsla

• Aldrei er endurgreitt fyrir meira en 100% starfshlutfall.

• Endurgreiðsla nær til fastra launa, skattskyld laun skv. upplýsingum frá Skattinum auk 11,5% mótframlags í lífeyrissjóð.

• Fjárhæð styrks er að hámarki sem nemur hámarksfjárhæð tekjutengdra atvinnuleysisbóta.

• Endurgreiðslusamningur gildir ekki sem ráðningarsamningur.

Um vinnusamninga

• Ráðgjafar Vinnumálastofnunar sjá um gerð samninga.

• Gildistími getur aldrei verið lengri en gildistími örorkulífeyris.

• Samningur er almennt gerður til eins árs í senn. Hægt er að framlengja samning sem er að renna út með milligöngu umsjónaraðila.

• Æskilegt er að skráður tengiliður atvinnurekanda sé launafulltrúi.-

• Ef örorkulífeyrisgreiðslur falla niður vegna tekna þá eru skilyrði vinnusamnings ekki uppfyllt og hann fellur sjálfkrafa úr gildi.

• Komi til slita á ráðningarsambandi milli atvinnurekanda og starfsmanns á gildistíma vinnusamnings fellur hann úr gildi.

Leiðbeiningar

Á Mínum síðum atvinnurekenda er hægt að:

• staðfesta vinnusamninga,

• setja inn launaupplýsingar vegna endurgreiðslu.

Atvinnurekendur geta veitt starfsmönnum sínum umboð til að fara inn á mínar síður. Fyrirspurnir má senda á netfangið: greidslur@vmst.is

Leiðbeiningarmyndbönd

• Innskráning og staðfesting

• Endurgreiðsluferli

Upplýsingagjöf atvinnurekenda

Breytingar á rekstri fyrirtækis

Verði breytingar á rekstri fyrirtækis, til dæmis á eignarhaldi eða skráningu, er nauðsynlegt að nýir aðilar taki vinnusamning yfir vilji þeir halda starfsmanni á vinnusamningi. Vinnumálastofnun metur hvort heimilt er að yfirtaka samning.

Upplýsingar til skattyfirvalda

Vinnumálastofnunveitir skattayfirvöldum árlega upplýsingar um endurgreiðslur til atvinnurekenda vegna vinnusamninga öryrkja.

Hafa samband

Ráðgjafar Vinnumálastofnunar aðstoða ef óskað er eftir frekari upplýsingum um ráðningu starfsmanns með skerta starfsgetu.

Netfang: ams@vmst.is