Vinnsluvottorð
Við útflutning til Evrópu á afla eða afurðum erlendra skipa sem hafa verið unnar á Íslandi þarf að fylgja vinnsluvottorð.
Hlutverk vinnsluvottorðs
Vinnsluvottorð staðfestir að:
vinnsla aflans hafi farið fram hjá vinnsluleyfishafa með gilt vinnsluleyfi hjá Matvælastofnun (MAST)
afurðin sem flutt er út sé unnin úr afla sem fylgdi gilt veiðivottorð við innflutning til Íslands.
Ábyrgð innflytjenda og endurútflutningur til ESB
Innflytjendur erlendra fiskafurða sem hyggjast endurútflytja afurðir á markaðssvæði Evrópusambandsins (ESB) skulu tryggja að:
seljandi aflans útvegi veiðivottorð fyrir aflanum við innfluting til Íslands.
veiðivottorðið sé stimplað af fánaríki veiðiskipsins.
Staðfesting vinnsluvottorðs
Til að fá vinnsluvottorð staðfest þarf:
að fylla út vinnsluvottorð í samræmi við upplýsingar veiðivottorðs sem fylgdi aflanum við innflutning.
að senda útfyllt vinnsluvottorð ásamt afriti veiðivottorðs á tölvupóstfangið vottord@fiskistofa.is
starfsmaður Fiskistofu að yfirfara vottorðið.
ef upplýsingar eru réttar senda staðfest vottorð til baka með tölvupósti.
Vottorðið kostar 9.300 krónur
Þjónustuaðili
Fiskistofa