Túnfiskveiðileyfi

Skip með leyfi til veiða í atvinnuskyni og búnað sem hentar til veiða á Austur-Atlantshafs bláuggatúnfiski getur sótt um leyfi til túnfiskveiða. Einungis er heimilt að úthluta leyfum til allt að þriggja skipa samkvæmt reglum ICCAT.

Skilyrði

• Skip þarf að vera með almennt leyfi til veiða í atvinnuskyni.

• Skip þarf að vera að lágmarki 500 brúttótonn að stærð.

• Skip þarf að hafa fullnægjandi útbúnað til veiðanna og meðhöndlunar bláuggatúnfiskafla.

Í umsókn þarf að koma fram

• Áætlun um hvenær stunda á veiðarnar.

• Lýsingar á útbúnaði skips, einkum um vinnslu- og frystigetu.

• Löndunarhafnir.

• Upplýsingar um hvernig á að ráðstafa afla.

• Upplýsingar um fyrri reynslu af túnfiskveiðum.

Við ákvörðun um úthlutun er litið til allra þessara atriða. Fiskistofa getur hafnað umsókn séu líkur til að viðkomandi skip sé að einhverju leyti óhentugt eða vanbúið til veiðanna með tilliti til öryggis eða búnaðar.