Tímabundinn innflutningur ökutækis á erlendum númerum
Heimilt er að flytja tímabundið til landsins ökutæki á erlendum númerum. Í ákveðnum tilvikum getur þú fengið innflutningsgjöld lækkuð eða felld niður að fullu.
Ökutækið má vera að hámarki 12 mánuði á Íslandi.
Skilyrði
Ökutæki einstaklinga
Tímabundinn innflutningur ökutækis til persónulegra nota (atvinna, nám, ferðalög) er tollfrjáls að vissum skilyrðum uppfylltum. Ökutækið má að hámarki vera á landinu í 12 mánaði, annars þarf að greiða innflutningsgjöld.
Með ökutæki er átt við skráningarskylt faratæki, til dæmis bifreið, bifhjól, tjaldvagn, fellihýsi og hjólhýsi. Sjá nánar um skráningarskyld ökutæki.
Sá sem flytur inn ökutækið
þarf að vera með fasta búsetu erlendis
má ekki vera með skráð lögheimili á Íslandi
skal dvelja hér á landi á meðan ökutækið er hér, þó er heimilt að dvelja erlendis í allt að 6 vikur á 12 mánaða tímabili.
Ökutækið
þarf að koma til landsins innan eins mánaðar frá komu innflytjanda
má ekki nota til fólks- eða vöruflutninga í atvinnuskyni
er til persónulegra nota fyrir innflytjanda og samferðamenn hans með fasta búsetu erlendis
Bílaleigubíll: Ef innflytjandi kemur með fólksbifreið sem hann leigir af bílaleigu, skráðri í öðru landi, er einungis heimilt að vera með ökutækið í 42 daga í hvert sinn og aldrei lengur en 183 daga á hverju 12 mánaða tímabili.
Ferli við innflutning ökutækis á erlendum númerum
Framlengd dvöl
Ef þú vilt framlengja dvöl ökutækis á Íslandi þarftu að láta Skattinn vita.
Hægt er að senda tölvupóst á E9@skatturinn.is.
Ef þú ákveður að vera lengur en 12 mánuði þarf að greiða innflutningsgjöld af ökutækinu. Sjá leiðbeiningar um innflutning ökutækis með búslóð eða innflutning á nýju eða notuðu ökutæki.
Lögheimilisskráning á Íslandi
Ef þú skráir lögheimili á Íslandi innan 12 mánaða frá komu til landsins þarf að:
tollafgreiða ökutækið og greiða innflutningsgjöld.
eða flytja ökutækið úr landi áður en lögheimilisskráning á sér stað.
Ferli að lokinni dvöl á Íslandi
Innan 12 mánaða þarf annaðhvort að:
Þjónustuaðili
Skatturinn