Stjórnvaldssektir vegna heimagistingar

Sýslumaðurinn á höfuðborgarsvæðinu getur lagt sekt á þá sem reka starfsemi sem er skráningar- eða leyfisskyld án þess að hafa skráningu eða rekstrarleyfi. Sektir geta einnig verið lagðar á þá sem hafa skráða heimagistingu en:

• leigja í meira en 90 daga á hverju 12 mánaða tímabili

• fara yfir 2 milljónir króna í tekjur á 12 mánuðum

• nota ekki skráningar- eða leyfisnúmer í auglýsingum

• skila ekki nýtingaryfirliti til sýslumanns

Ef sekt er ekki greidd á gjalddaga reiknast dráttarvextir þar til sektin hefur verið greidd.

Sýslumaðurinn á Norðurlandi vestra annast innheimtu stjórnvaldssektanna.

Hægt er að greiða kröfu á bankareikning 0159-26-267, kennitala 660914-0990. Tilgreina þarf kennitölu og nafn skuldara við greiðslu í banka.

Greiðsludreifing

Ef þú getur ekki greitt kröfu í einu lagi getur þú sótt um greiðsludreifingu með því að senda skriflega beiðni á innheimta@syslumenn.is eða með bréfi til Sýslumannsins á Norðurlandi vestra.

Skilyrði greiðsludreifingar

• Lágmarksfjárhæð mánaðarlegra greiðslna: 10.000 krónur

• Hámarkstími: 36 mánuðir

Innheimtuferli

• Þegar krafa er stofnuð birtist hún í heimabanka skuldara.

• Ef krafan er ógreidd og ekki hefur verið samið um hana innan 30 daga, getur eftirfarandi úrræðum verið beitt:

  • Skuldajöfnuður við inneignir í ríkissjóði

  • Fjárnámi

  • Nauðungarsölu

  • Skráningu á vanskilaskrá (eftir birtingu greiðsluáskorunar eða árangurslaust fjárnám)

Athugið að dráttarvextir reiknast á vangreidda kröfu mánuði eftir eindaga þess þrátt fyrir greiðslusamkomulag. Skuldajöfnuður við vaxtabætur fer einnig fram óháð greiðslusamningi.

Kæruleiðir

Hægt er að óska endurupptöku eða kæra niðurstöðu til atvinnuvegaráðuneytisins innan 3 mánaða frá birtingu ákvörðunar Sýslumannsins á höfuðborgarsvæðinu.

Stjórnsýslukæra frestar ekki réttaráhrifum ákvörðunar og kemur ekki í veg fyrir álagningu dráttarvaxta, en frestar aðför.

Ef ákvörðun er kærð skal senda staðfestingu til Sýslumanns á Norðurlandi vestra: innheimta@syslumenn.is.