Starfsfólk í aðhlynningu og býtibúri Sæborg - HSN Skagaströnd

Heilbrigðisstofnun Norðurlands (HSN) á Skagaströnd, Sæborg óskar eftir metnaðarfullum, áreiðanlegum og þjónustulunduðum einstaklingi til starfa í aðhlynningu og í býtibúri. Um er að ræða vaktavinnu á heimili þar sem rík áhersla er lögð á hlýja, faglega og einstaklingsmiðaða þjónustu við íbúa. Ráðningarhlutfall er 70-90%. Æskilegt er að viðkomandi geti hafið störf sem fyrst eða samkvæmt samkomulagi.

VIð leitum að einstaklingi sem hefur áhuga á að vinna með fólki, hefur áhuga á fjölbreyttum verkefnum, ríka samskiptahæfni og vinnur vel bæði sjálfstætt og í teymi.

Hér má sjá upplýsingar um HSN í hnotskurn fyrir allar starfsstöðvar

• Almenn aðhlynningarstörf og stuðningur við íbúa í samstarfi við fagaðila

• Verkefni í býtibúri tengd undirbúningi og frágangi máltíða

• Þátttaka í teymisvinnu

• Almenn þrif

• Umsjón og þrif á þvotti íbúa

• Önnur tilfallandi verkefni

• Frábær samskiptahæfni, jákvæðni og þjónustulund

• Reynsla úr sambærilegu starfi er kostur en ekki skilyrði

• Frumkvæði, sveigjanleiki í starfi og sjálfstæð vinnubrögðum

• Góð íslensku- eða enskukunnátta

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Stéttarfélagið Samstaða hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Ekki er unnt að ráða fólk yngra en 18 ára.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.