Heilbrigðisgagnafræðingur HSN, Sunnuhlíð Akureyri

Heilbrigðisstofnun Norðurlands á Akureyri óskar eftir að ráða heilbrigðisgagnafræðing tímabundið í eitt ár á heilsugæslustöðina í Sunnuhlíð. Starfshlutfall er 100% eða samkvæmt samkomulagi. Leitað er að einstaklingi sem býr yfir góðri samskiptahæfni, sjálfstæðum vinnubrögðum og áhuga á gæðamálum og vinnslu heilbrigðisgagna.

Starfið er fjölbreytt og mikilvægur hluti af starfsemi heilsugæslunnar, þar sem heilbrigðisgagnafræðingur gegnir lykilhlutverki í öflun, úrvinnslu og skráningu gagna sem styðja við faglegt starf og ákvarðanatöku innan þjónustunnar.

Hjá HSN er lögð rík áhersla á vellíðan á vinnustað, heilsueflingu, teymisvinnu, styðjandi og fjölskylduvænt vinnuumhverfi.

Hér má sjá upplýsingar um verkefnið Heilsueflandi vinnustaður en heilsugæslan á Akureyri var fyrst allra heilsugæslustöðva að innleiða verkefnið.

Hér má sjá upplýsingar um teymisvinnu hjá HSN á Akureyri

Hér má sjá upplýsingar um HSN í hnotskurn fyrir allar starfsstöðvar.

• Skráning og meðferð upplýsinga í sjúkraskrárkerfi heilsugæslunnar

• Upplýsingagjöf og leiðbeiningar til sjúklinga

• Umsjón með ýmsum þáttum er varða varðveislu og meðferð sjúkraskráningar

• Símasvörun og móttaka

• Samskipti við aðra starfsmenn heilsugæslunnar og ýmis umsýsla og skráning gagna

• Gegnir mikilvægu hlutverki í teymisvinnu innan heilsugæslunnar

• Önnur tilfallandi verkefni

• Próf í heilbrigðisgagnafræði

• Reynsla af störfum á heilsugæslu eða öðrum heilbrigðisstofnunum æskileg

• Góð þekking á skjalavörslu og tölvuskráningu

• Góð þekking á almennum tölvuforritum

• Þekking á Sögu og sérhæfðum tölvuforritum í heilsugæslu

• Frumkvæði og sjálfstæði í vinnubrögðum

• Frábær samskiptahæfni, jákvæðni og sveigjanleiki

• Góð íslensku- og enskukunnátta

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af prófskírteinum og starfsleyfi.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.