Sumarstörf - Iðjuþjálfi/iðjuþjálfanemi HSN Blönduósi

Heilbrigðisstofnun Norðurlands (HSN) auglýsir eftir iðjuþjálfa/iðjuþjálfanema í sumarafleysingar. Ráðningartími og starfshlutfall er samkvæmt samkomulagi.

Hér má sjá upplýsingar um HSN á Blönduósi: Fjölbreytt starfsemi og hlýtt starfsumhverfi

Hér má sjá upplýsingar um HSN í hnotskurn fyrir allar starfsstöðvar

Uppfært: Umsóknafrestur sem áður var til 20.02.2026 hefur verið framlengdur til og með 20.03.2026. Allar umsóknir sem bárust fyrir upphaflega frestinn eru áfram gildar og verða teknar til jafns við umsóknir sem berast á framlengda tímabilinu.

• Hvetur og styður skjólstæðinga til sjálfshjálpar og félagslegrar virkni með það að markmiði að auka lífsgæði

• Annast endurhæfingu í samvinnu við sjúkraþjálfara og skipuleggur einstaklings- og hópameðferðir

• Leggur fyrir möt og hannar einstaklingsáætlanir í samráði við skjólstæðinga. Tryggir að framvinda sé skráð og metin reglulega

• Miðlar fræðslu til skjólstæðinga, aðstandenda og starfsfólks

• Annast alla umsýslu hjálpartækja í samráði við yfirhjúkrunarfræðing

• Er tengiliður skjólstæðinga við aðra þjónustuflokka s.s. sjúkraþjálfara, hjúkrunarfræðinga, lækna og félagsþjónustu

• Hefur yfirsýn yfir þá þjónustu sem skjólstæðingar fá og/eða þarfnast

• Tekur þátt í teymisvinnu og situr fundi sem varða skjólstæðinga

• Önnur tilfallandi verkefni

• Fullgilt próf sem iðjuþjálfi og íslenskt starfsleyfi, staðfesting á námi fyrir nema

• Frábær samskiptahæfni, jákvæðni og sveigjanleiki

• Frumkvæði og sjálfstæði í vinnubrögðum

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af starfsleyfi og prófskírteinum. Fyrir nema skal fylgja með staðfesting á námi.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.