Geislafræðingur eða lífeindafræðingur við hjartaómun

Laust eru til umsóknar starf geislafræðings eða lífeindafræðings við hjartaómun á Landspítala við Hringbraut. Um er að ræða tímabundið afleysingarstarf til eins árs vegna fæðingarorlofs. Unnið er í dagvinnu og verður ráðið í starfið frá 1. desember 2024 eða skv. nánara samkomulagi.

Reynsla af hjartaómun er æskileg en góð þjálfun er í boði ef reynsla af ómun er takmörkuð. Unnið er í þverfaglegu teymi og í nánu samstarfi við hjartasérfræðinga.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Ómanir af hjarta og varðveisla gagna þar að lútandi

• Úrvinnsla og túlkun niðurstaðna í samvinnu við hjartalækna

• Þátttaka í öðrum verkefnum eftir nánari ákvörðun stjórnanda

• Íslenskt starfsleyfi geislafræðings eða lífeindarfræðings

• Sjálfstæð og skipulögð vinnubrögð

• Jákvætt viðmót og hæfni í mannlegum samskiptum

• Þekking og reynsla af hjartaómun æskileg

• Góð íslenskukunnátta skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, geislafræðingur, lífeindafræðingur, teymisvinna

Tungumálahæfni: íslenska 4/5