Sjúkraliði á gjörgæsludeild Sjúkrahússins á Akureyri

Ertu góður liðsmaður og langar þig að starfa í fjölbreyttu og hvetjandi starfsumhverfi?

Okkur vantar sjúkraliða í okkar góða lið á gjörgæsludeild og sækjum eftir bæði reynsluboltum sem og nýútskrifuðum. Á gjörgæsludeild eru góð tækifæri til að þróa með sér mikla þekkingu og hæfni í sjálfstæðum vinnubrögðum í lærdómsríku umhverfi.

Um er að ræða 80-100% stöðu í vaktavinnu í fjölbreyttu starfsumhverfi og er staðan laus nú þegar eða eftir nánara samkomulagi.

Næsti yfirmaður er Brynja Dröfn Tryggvadóttir deildarstjóri gjörgæsludeildar.

• Í starfinu felst ábyrgð á öllum almennum verkefnum sjúkraliða samkvæmt lögum og reglugerðum

• Einnig að unnið sé samkvæmt markmiðum hjúkrunar, deildarinnar og stofnunarinnar

• Sjúkraliði skal hafa lokið sjúkraliðanámi frá viðurkenndri menntastofnun og hafa gilt íslenskt starfsleyfi

• Faglegur metnaður, frumkvæði og ábyrgð í starfi

• Jákvætt viðmót og góðir samskiptahæfileikar í samskiptum og samvinnu

• Sjúkraliðanemum stendur einnig til boða að sækja um starfið án umræddra krafna um lokið nám og starfsleyfi

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.