Lyfjatæknir hjá lyfjaþjónustu Sjúkrahússins á Akureyri

Laus er til umsóknar staða lyfjatæknis við lyfjaþjónustu Sjúkrahússins á Akureyri. Um fasta stöðu er að ræða í fjölbreyttu og krefjandi starfsumhverfi þar sem verkefnin eru margbreytileg og veita svigrúm til að nýta nám og reynslu til fullnustu. Vinnutími er samkvæmt samkomulagi. Staðan er laus nú þegar eða eftir nánara samkomulagi.

Næsti yfirmaður er Jóna Valdís Ólafsdóttir, deildarstjóri lyfjaþjónustu.

• Birgðastýring lyfja á lyfjaherbergjum á deildum SAk

• Vörumóttaka og frágangur lyfja

• Afgreiðsla pantana á deild og ráðgjöf til annarra heilbrigðisstarfsmanna

• Þátttaka í þróun lyfjaþjónustu á klínískum deildum

• Blöndun lyfja með smitgát bæði á deild og í lyfjaframleiðslu lyfjaþjónustu

• Lyfjatiltekt og lyfjaskömmtun

• Fylgni við gæðakerfi og þátttaka í þróun gæðavinnu

• Önnur tilfallandi verkefni

• Lyfjatæknir með gilt starfsleyfi

• Góð samstarfs- og samskiptahæfni, öflugur liðsmaður og jákvætt viðmót

• Nákvæm, skipulögð, sjálfstæð og öguð vinnubrögð

• Frumkvæði, þjónustulund og áhugi á að þroskast í starfi

• Góð tölvukunnátta

• Reynsla af störfum í lyfjaþjónustu sjúkrahúss æskileg

• Reynsla af því að vinna með lyfjablandanir æskileg

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Umsóknum skal skilað rafrænt á vef sjúkrahússins www.sak.is. Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Öllum umsóknum verður svarað þegar ákvörðun um ráðningu hefur verið tekin. Sjúkrahúsið á Akureyri áskilur sér rétt til að hafna öllum umsóknum.

Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Gildi Sjúkrahússins á Akureyri eru: ÖRYGGI SAMVINNA FRAMSÆKNI.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum.