![](https://images.ctfassets.net/8k0h54kbe6bj/5DUv9bzVApQFb0DEiucwSw/e3bfb0a6e6381c80ed03e4cc0cb90542/cropped-favicon-2.png)
Þjónustuaðili
Lögreglustjórinn á Austurlandi
Upplýsingar um starf
Starf
Laus staða varðstjóra með starfsstöð á Djúpavogi - Lögreglustjórinn á Austurlandi
Staðsetning
Austurland
Starfshlutfall
100%
Starf skráð
30.08.2024
Umsóknarfrestur
18.09.2024
Laus staða varðstjóra með starfsstöð á Djúpavogi - Lögreglustjórinn á Austurlandi
Við embætti lögreglustjórans á Austurlandi er laus til umsóknar staða varðstjóra með starfsstöð á Djúpavogi.
Hjá embættinu starfa rúmlega þrjátíu manns á sex starfsstöðvum. Umdæmið er víðfeðmt með tólf þéttbýliskjarna, gott mannlíf, öflugt atvinnulíf og stórfenglega náttúru. Alþjóðaflugvöllur er á Egilsstöðum og vikulegar ferjusiglingar Norrænu til Seyðisfjarðar. Þá eru farþegaskip fjölmörg sem leggja að á Austfjörðum yfir sumartímann, ekki síst á Djúpavogi.
Helstu verkefni og ábyrgð
Kveðið er á um réttindi og skyldur lögreglumanna í lögum um réttindi og skyldur starfsmanna ríkisins nr. 70/1996. Almennar upplýsingar um verksvið og ábyrgð varðstjóra má finna í 10. gr. reglugerðar nr. 1051/2006, um starfsstig innan lögreglunnar.
Hlutverk varðstjóra er meðal annars að stýra vinnu í samræmi við stefnu embættisins, áherslur og markmið og tryggja gott samstarf deilda og stöðva. Hann sér um að daglegum hefðbundnum verkefnum sé sinnt og stýrir vinnu í tengslum við stærri viðburði og atvik er upp koma.
Hæfniskröfur
Umsækjendur skulu hafa lokið prófi frá Lögregluskóla ríkisins eða diplómanámi í lögreglufræðum sem jafngildir a.m.k. 120 stöðluðum námseiningum þ.m.t. starfsnámi á vegum lögreglunnar.
Umsækjandi skal hafa starfað sem lögreglumaður í að minnsta kosti tvö ár frá því að lögreglunámi lauk. Þekking á landskerfum lögreglu og staðgóð almenn tölvukunnátta er nauðsynleg. Góð færni í íslensku er skilyrði. Önnur tungumálakunnátta er kostur.
Færni í mannlegum samskiptum, skipulagshæfileikar, frumkvæði, nákvæmni og sjálfstæði í vinnubrögðum sem og jákvæðni og hæfni til að starfa í hóp eru nauðsynlegir eiginleikar. Staðarþekking, stjórnunarreynsla og þekking á rannsóknum mála er kostur.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Embættið leggur áherslu á jafnrétti og hvetur fólk af öllum kynjum til að sækja um.
Starfið er dagvinna með bakvöktum.
Athygli umsækjenda er vakin á heimild til að skoða sakaferil umsækjenda um starf í lögreglu en samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.
Starfshlutfall er 100%
Umsóknarfrestur er til og með 18.09.2024
Nánari upplýsingar veitir
Kristján Ólafur Guðnason, kog01@logreglan.is
Sími: 4440635
![](https://images.ctfassets.net/8k0h54kbe6bj/5DUv9bzVApQFb0DEiucwSw/e3bfb0a6e6381c80ed03e4cc0cb90542/cropped-favicon-2.png)
Þjónustuaðili
Lögreglustjórinn á Austurlandi
Upplýsingar um starf
Starf
Laus staða varðstjóra með starfsstöð á Djúpavogi - Lögreglustjórinn á Austurlandi
Staðsetning
Austurland
Starfshlutfall
100%
Starf skráð
30.08.2024
Umsóknarfrestur
18.09.2024