Fiskistofa óskar eftir að ráða sérfræðing á lax- og silungsveiðisvið

Mannauður Fiskistofu er grunnstoðin í starfsemi hennar og er lögð mikil áhersla á starfsþróun, teymisvinnu og þekkingarmiðlun. Starfsumhverfið er metnaðarfullt og er lögð áhersla á að byggja upp trausta liðsheild. Fiskistofa er með starfsstöðvar á sex stöðum um landið. Staðsetning starfsins getur verið á eftirtöldum starfsstöðvum: Akureyri, Hafnarfirði, Stykkishólmi eða Ísafirði. Fyrir frekari upplýsingar um vinnustaðinn er umsækjendum bent á vefsíðu Fiskistofu: www.fiskistofa.is.

Um er að ræða 100% ótímabundið starf og ráðið verður í starfið 1. október n.k. eða eftir nánara samkomulagi.

Starfssvið sérfræðings felst í að sinna málum varðandi stjórnsýslu veiðimála, s.s. upplýsingaöflun og miðlun vegna lax- og silungsveiði. Einnig sinnir sérfræðingur ýmsu við útgáfu leyfa vegna framkvæmda við veiðivötn og málum varðandi strok fiska úr eldi. Þá heldur sérfræðingur utan um úthlutun og umsýslu vegna fiskmerkja fyrir rannsóknir á laxfiskum. Jafnframt sinnir sérfræðingur ritun umsagna vegna skipulagsmála sem tengjast veiðivötnum.

Markmið starfsins er að stuðla að sjálfbærri nýtingu laxfiska í ám og vötnum og verndun búsvæða þeirra í samvinnu við veiðifélög og veiðiréttareigendur í samræmi við lög nr. 61/2006 um lax- og silungsveiði.

• Öflun og miðlun upplýsinga vegna lax- og silungsveiði.

• Þátttaka í þróun lausna vegna upplýsingaöflunar og miðlunar vegna lax- og silungsveiði.

• Innkaup, úthlutun og umsýsla vegna fiskmerkja.

• Skráning upplýsinga varðandi strok fiska úr eldisstöð.

• Ritun umsagna vegna skipulagsmála og mats á umhverfisáhrifum framkvæmda.

• Leyfisveitingar vegna framkvæmda við veiðivötn.

• Þátttaka í alþjóðlegu samstarf.

• Önnur verkefni á starfssviði lax- og silungsveiðisviðs.

• Sérfræðingur á lax- og silungsveiðisviði er staðgengill sviðsstjóra.

• Háskólamenntun sem nýtist í starfi.

• Mjög góð almenn tölvukunnátta.

• Mjög gott vald á íslensku og ensku í ræðu og riti.

• Góð skipulags- og greiningarfærni.

• Jákvætt viðmót, lipurð í mannlegum samskiptum og hæfni til að vinna sjálfstætt og með öðrum.

• Frumkvæði, lausnamiðuð nálgun og metnaður til að ná árangri í starfi.

• Seigla og geta til að vinna undir álagi.

• Þekking og reynsla af opinberri stjórnsýslu er kostur.

• Þekking á líffræði laxfiska er kostur.

• Þekking og/eða reynsla af veiðum laxfiska í ám og vötnum á Íslandi er kostur.

• Hreint sakavottorð.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og kynningarbréf þar sem umsækjandi gerir grein fyrir áhuga og hæfni í starfið út frá hæfniskröfum auglýsingar. Við ráðningar í störf hjá Fiskistofu er tekið mið af jafnréttisstefnu og jafnréttisáætlun stofnunarinnar og er fólk af öllum kynjum hvatt til að sækja um.

Umsóknir gilda í sex mánuði og verður öllum umsóknum svarað þegar ákvörðun um ráðningu hefur verið tekin. Athygli umsækjenda er vakin á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Fiskistofa áskilur sér rétt til að hætta við ráðningu í einstaka stöðu og/eða auglýsa að nýju.