Starf heilbrigðisritara á L3 Landakoti

Við viljum ráða jákvæðan og þjónustulipran einstakling með mikla samskiptahæfni í starf heilbrigðisritara á L3 Landakoti. Um er að ræða dagvinnustarf, virka daga, sem felur í sér mikil samskipti og fjölbreytt og krefjandi verkefni.

Á deildinni starfar samhentur hópur í þverfaglegu teymi. Hjúkrunardeildin er 16 rúma og er hluti af Landspítala. Skjólstæðingarnir deildarinnar hafa gilt færni- og heilsumat og eru að bíða eftir vist á hjúkrunarheimili. Lögð er áhersla á jákvætt framlag sérhvers einstaklings og þátttöku og samvinnu í daglegum störfum deildarinnar. Við tökum vel á móti nýju starfsfólki og veitum góða aðlögun.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Upphaf starfs er 1. september, eða samkvæmt samkomulagi.

• Upplýsingagjöf

• Símavarsla

• Sjúklingabókhald

• Gagnaumsjón og almenn skrifstofustörf

• Þjónusta við skjólstæðinga, aðstandendur og samstarfsfólk

• Birgðaumsjón og frágangur

• Ýmis sérverkefni í samvinnu við deildarstjóra og vaktstjóra

• Heilbrigðisritaramenntun, stúdentspróf og/eða reynsla af skrifstofustörfum

• Jákvæðni og lipurð í samskiptum

• Góð íslenskukunnátta

• Góð almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisritari, skrifstofustörf, móttaka, ritari, skrifstofumaður