Heilbrigðisgagnafræðingur - Heilsugæsla höfuðborgarsvæðisins

Heilsugæsla höfuðborgarsvæðisins (HH) óskar eftir að ráða heilbrigðisgagnafræðing til starfa á tveimur starfstöðvum. Starfstöðvarnar eru Færni- og heilsumatsnefnd og Söguteymi deildar rafrænnar þjónustu. Við leitum að jákvæðum og drífandi einstaklingi til að koma til liðs við okkur. Starfið er fjölbreytt og skemmtilegt í starfsumhverfi sem er í stöðugri þróun. Um er að ræða 100% ótímabundið starf. Æskilegt er að viðkomandi geti hafið störf 1. september n.k. eða eftir nánara samkomulagi.

Meðal verkefna er innköllun gagna frá fagaðilum í tengslum við móttöku umsókna til Færni- og heilsumatsnefndar og umsýsla sjúkra- og heilbrigðisgagna vegna vistunarmats svo sem útsendingar bréfa í samvinnu við samstarfsfólk. Viðkomandi mun m.a. bera ábyrgð á miðlægri umsýslu og afhendingu gagna úr sjúkrarskrá, sjá um úttektir og greiningu gagna ásamt því að koma ýmsum verkefnum tengdum gagnavinnslu og vistun í góðan farveg.

Nánari upplýsingar um starfsemi Heilsugæslu höfuðborgarsvæðisins má finna á vef HH (www.heilsugaeslan.is).

• Ber ábyrgð á ritun og umsýslu sjúkraskrárgagna og í samvinnu við annað samstarfsfólk

• Afhending gagna úr sjúkraskrá

• Móttaka, skráning, skönnun og meðferð gagna í sjúkraskrárkerfinu Sögu

• Skipulagning og vandamálagreining á Sögukerfinu

• Úttekt og greining gagna

• Samskipti við skjólstæðinga, aðrar heilbrigðisstofnanir, tryggingarfélög, lögfræðinga og fleiri

• Önnur tilfallandi störf

• Nám í heilbrigðisgagnafræði skilyrði

• Starfsleyfi frá Embætti landlæknis

• Haldgóð reynsla af vinnu við sjúkraskrárkerfi Sögu skilyrði

• Reynsla af ritarastarfi kostur

• Þekking og reynsla af upplýsinga- og skjalastjórnun

• Góð undirstaða í notkun á upplýsingatækni og tölvubúnaði

• Reynsla af Heilsugátt kostur

• Hæfni og lipurð í mannlegum samskiptum er nauðsynleg

• Nákvæm og skipulögð vinnubrögð

• Góð almenn enskukunnáttu nauðsynleg

• Góð íslenskukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.