Hjúkrunarfræðingar á sjúkradeild

Viltu slást í hópinn og taka þátt í uppbyggingu stofnunarinnar?

Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Á HSS eru þrjú svið; heilsugæslusvið, sjúkrasvið og hjúkrunarsvið. Framundan er víðtæk uppbygging á stofnuninni, endurskoðun á þjónustuferlum sem og stefnu stofnunarinnar byggðri á Heilbrigðisstefnu til ársins 2027.

Við leitum að metnaðarfullum og jákvæðum hjúkrunarfræðingum til að slást í hópinn okkar. Sjúkradeildin er fjölbreytt og vel útbúin lyflækningadeild og eru störfin bæði spennandi og krefjandi. Um er að ræða 40% til 100% störf eftir samkomulagi, í vaktavinnu. Æskilegt er að viðkomandi geti hafið störf sem fyrst.

Á HSS er lögð áhersla á góða samvinnu, stuttar boðleiðir og góðan starfsanda.

Hjúkrunarfræðingar vinna á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu.

Þeir starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.

• Íslenskt hjúkrunarleyfi

• Faglegur metnaður og vandvirkni

• Framúrskarandi samskiptahæfni

• Sjálfstæði í vinnubrögðum

• Hlýtt og jákvætt viðmót

• Starfsreynsla er kostur

• Gott vald á íslensku bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði frá því að umsóknarfrestur rennur út.