Þjónustuaðili
Umhverfis-, orku- og loftslagsráðuneytið
Upplýsingar um starf
Starf
Forstjóri Náttúrufræðistofnunar
Staðsetning
Vesturland
Starfshlutfall
100%
Starf skráð
05.07.2024
Umsóknarfrestur
25.07.2024
Forstjóri Náttúrufræðistofnunar
Embætti forstjóra Náttúrufræðistofnunar er laust til umsóknar. Leitað er eftir leiðtoga til að setja á fót nýja faglega sterka stofnun og ná settum markmiðum í þágu rannsókna og vöktunar á íslenskri náttúru.
Náttúrufræðistofnun fer með hlutverk og verkefni sem Náttúrufræðistofnun Íslands, Landmælingar Íslands og Náttúrurannsóknarstöðin við Mývatn höfðu áður. Náttúrufræðistofnun mun efla faglegt starf á sviði gagnaöflunar, rannsókna, kortlagningar og vöktunar á náttúru Íslands. Aukinheldur er stofnuninni ætlað að tryggja markvissa uppbyggingu gagnasafna og rannsóknainnviða með góðu aðgengi að gögnum og áreiðanlegum rauntímamælingum. Stofnunin mun leggja áherslu á öflugar grunnrannsóknir og hagnýtar rannsóknir sem verði m.a. unnar á grundvelli samráðs milli stofnana.
Helstu verkefni og ábyrgð
Náttúrufræðistofnun er ný stofnun sem starfar undir yfirstjórn umhverfis-, orku- og loftslagsráðuneytisins samkvæmt lögum um Náttúrufræðistofnun og náttúrustofur nr. 54/2024.
Umhverfis-, orku- og loftslagsráðherra skipar forstjóra Náttúru-fræðistofnunar til fimm ára í senn. Forstjóri ber stjórnunarlega og fjárhagslega ábyrgð á rekstri og faglegri starfsemi stofnunarinnar og ábyrgð gagnvart ráðherra í samræmi við lög og skipurit stofnunarinnar. Starfsstöð forstjóra mun vera á Vesturlandi en starfsstöðvar stofnunarinnar eru víða um land.
Gert er ráð fyrir að forstjóri komi að mótun skipulags og innleiðingu nýs skipurits í sameinaðri stofnun. Hlutverk forstjóra mun felast að miklu leyti í breytingarstjórnun og sameiningarferli fyrstu árin og mótun helstu áherslna, verkefna og starfshátta stofnunarinnar.
Hæfniskröfur
Forstjóri nýrrar stofnunar þarf að búa yfir metnaði og framsýni til að leiða áfram nýja stofnun. Gerð er krafa um framhaldsmenntun á háskólastigi sem nýtist í starfi og þekkingu á málefnasviði stofnunarinnar. Áhersla er lögð á farsæla stjórnunarreynslu og færni í mannlegum samskiptum. Viðkomandi þarf að geta unnið vel undir álagi, vera agaður og skilvirkur í vinnubrögðum og búa yfir góðri hæfni til að tjá sig í ræðu og riti á bæði íslensku og ensku. Við mat á umsækjendum er miðað við kjörmynd stjórnenda út frá stjórnendastefnu ríkisins.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Fólk af öllum kynjum er hvatt til að sækja um embættið.
Öllum umsóknum verður svarað þegar ákvörðun um ráðningu liggur fyrir.
Fjármála- og efnahagsráðherra ákveður föst laun fyrir dagvinnu í samræmi við grunnmat embættis forstjóra og önnur laun sem embættinu fylgja.
Umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og hæfni viðkomandi rökstudd.
Þriggja manna ráðgefandi hæfnisnefnd skipuð af umhverfis-, orku- og loftslagsráðherra metur hæfni umsækjenda og skilar greinargerð til ráðherra.
Starfshlutfall er 100%
Umsóknarfrestur er til og með 25.07.2024
Nánari upplýsingar veitir
Stefán Guðmundsson, stefan.gudmundsson@urn.is
Þjónustuaðili
Umhverfis-, orku- og loftslagsráðuneytið
Upplýsingar um starf
Starf
Forstjóri Náttúrufræðistofnunar
Staðsetning
Vesturland
Starfshlutfall
100%
Starf skráð
05.07.2024
Umsóknarfrestur
25.07.2024