Iðjuþjálfi á hjúkrunardeild

Heilbrigðisstofnun Suðurlands auglýsir lausa stöðu iðjuþjálfa í allt að 100% starf.

Um er að ræða nýtt og spennandi starf fyrir metnaðarfullan iðjuþjálfa í endurhæfingarteymi HSU. Um er að ræða áhugaverða vinnu sem aðallega fer fram á hjúkrunardeildum HSU. Hjúkrunardeildir HSU eru staðsettar á Selfossi og Vestmannaeyjum. Aðalstarfstöð Iðjuþjálfa er á Selfossi.

Heilbrigðisstofnun Suðurlands veitir heilsugæslu-, sjúkrahúss- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

• Tekur þátt í greiningu, endurhæfingu og þjálfunaráætlun

• Þjónusta við íbúa

• Ráðgjöf og umsóknir á hjálpartækjum

• Skráning og skýrslugerð

• Fræðsla fyrir íbúa og starfsfólk

• Fræðsla og ráðgjöf á aðrar starfstöðvar HSU

• Þátttaka í þverfaglegum teymum

• Iðjuþjálfi vinnur í miklu samstarfi við sjúkraþjálfara HSU

• Ýmis fjölþætt verkefni og þátttaka í umbótastarfi

• Íslenskt starfsleyfi sem iðjuþjálfi

• Faglegur metnaður og ábyrgð í starfi

• Mikill áhugi á starfi með öldruðum

• Áhugi á þróun og uppbyggingu faglegs starfs

• Jákvætt viðmót og sveigjanleiki í samskiptum

• Frumkvæði, sjálfstæði og skipulagshæfni

• Íslenskukunnátta

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsókn skal fylgja ítarleg náms- og starfsfeilsskrá.

Jafnframt skal leggja fram staðfestar upplýsingar um menntun og afrit af starfsleyfi.

Upphafsdagur ráðningar er samkomulag.