Ertu sérfræðingur í svæfingahjúkrun?

Laust er til umsóknar starf sérfræðings í svæfingahjúkrun á svæfingadeildum Landspítala með starfsstöð í Fossvogi. Starfshlutfall er 80-100% og er starfið laust 1. september 2024 eða eftir nánara samkomulagi.

Sérfræðingur í svæfingahjúkrun starfar samkvæmt starfslýsingu sérfræðinga í hjúkrun á Landspítala. Auk klínískra starfa vinnur sérfræðingur í svæfingahjúkrun að framþróun hjúkrunar á svæfingadeildum Landspítala, gæða- og umbótaverkefnum, ráðgjöf, kennslu og fræðslustarfsemi til starfsfólks og nemenda og tekur þátt í akademískri vinnu með þátttöku í rannsóknastarfi. Starfið felur jafnframt í sér uppbyggingu, samræmingu og skipulagningu þjónustu við skjólstæðinga í samvinnu við aðrar heilbrigðisstéttir.

Á svæfingadeildum Landspítala starfar samhent þverfaglegt teymi sem þjónar sjúklingum sem þurfa á svæfingatengdri þjónustu að halda bæði á skurðstofum og utan þeirra. Sérsvið svæfinga fylgir hraðri framþróun og fylgst er vel með nýjungum á alþjóðlegum vettvangi.

Sérfræðingur í hjúkrun vinnur sjálfstætt á sérsviði svæfingahjúkrunar skv. reglugerð . reglugerð nr. 512/2013 og ber ábyrgð á starfi sínu gagnvart stofnun og næsta yfirmanni.

• Þróun hjúkrunar og þjónustu við sjúklinga innan sérgreinar

• Frumkvæði að gæðaumbótum og innleiðingu nýrra verkferla

• Þátttaka í rannsóknarstarfi

• Er leiðandi í faglegri starfsþróun innan svæfingadeilda

• Kennsla og fræðsla til starfsfólks, nemenda í grunn- og framhaldsnámi í heilbrigðisgreinum sem og sérnámi í svæfingahjúkrun

• Ráðgjöf til sjúklinga og heilbrigðisstarfsmanna

• Frumkvæði að þverfaglegri samvinnu innan og utan skurðstofa

• Aðkoma að verkefnum er lúta undirbúningi að sameiningu svæfingadeilda fyrir nýjan Landspítala

• Meistara- eða doktorspróf í hjúkrun

• Íslenskt sérfræðileyfi í svæfingahjúkrun

• Að lágmarki fimm ára starfsreynsla í hjúkrun

• Leiðtoga- og samskiptahæfni

• Reynsla af árangursríkri teymisvinnu

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfum

• Ferilskrá þar sem tilgreind er reynsla af kennslu, rannsóknum, gæða- og þróunarverkefnum

• Kynningarbréf með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, sérfræðingur í hjúkrun