Svæfingahjúkrunarfræðingur - Heilbrigðisstofnun Vesturlands á Akranesi

Skurð og svæfingadeild HVE á Akranesi óskar eftir að ráða til afleysinga hjúkrunarfræðing með sérhæfingu í svæfingahjúkrun. Í boði er starf á frábærum vinnustað þar sem samvinna, faglegt starf og öryggi sjúklinga eru höfð að leiðarljósi.

Staðan er til afleysingar frá og með ágúst mánuði 2024. Getur fyrirkomulag afleysingar verið eftir samkomulagi en unnið er í dagvinnu og bakvöktum.

Starfið felur í sér fjölbreytt verkefni sem fylgja starfi á skurð- og svæfingadeild.

Á deildinni er þrjár skurðstofur og þar starfa svæfingahjúkrunarfræðingar við fjölbreytt og krefjandi verkefni, í nánu samstarfi við fagfólk í öðrum sérgreinum.

Á skurð- og svæfingadeild eru gerðar rúmlega 2000 skurð- og dagdeildaraðgerðir á ári. Við deildina starfa sérfræðingar í almennum skurðlækningum, bæklunarskurðlækningum, háls, nef og eyrnalækningum og kvensjúkdómum svo eitthvað sé nefnt. Sólarhringsvaktþjónusta svæfingalækna, kvensjúkdóma- og almennrar skurðlækna sem og lyflækna er á HVE Akranesi.

Unnið er eftir gildandi lögum og reglugerðum og starfsreglum stofnunarinnar.

Umsækjandi skal hafa íslenskt hjúkrunarleyfi auk sérnáms í svæfingahjúkrun.

Lögð er áhersla á frumkvæði, sjálfstæð vinnubrögð og hæfileika í samskiptum og samvinnu.

Góð íslenskukunnátta er skilyrði.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja

• Afrit af prófskírteinum, námskeiðum og annarri endurmenntun

• Afrit af leyfisbréfi.

• Ferilskrá

Sækja skal um starfið á starfatorg.is eða heimasíðu hve.is. - Áhugasömum er velkomið að koma og skoða eftir samkomulagi