Þjónustuaðili
Ríkislögreglustjóri
Upplýsingar um starf
Starf
Tvær stöður á þjónustusviði ríkislögreglustjóra
Staðsetning
Höfuðborgarsvæðið
Starfshlutfall
100%
Starf skráð
01.07.2024
Umsóknarfrestur
15.07.2024
Tvær stöður á þjónustusviði ríkislögreglustjóra
Embætti ríkislögreglustjóra óskar eftir allt að tveimur öflugum sérfræðingum til starfa í frábæru teymi sem á það sameiginlegt að hafa fjölbreyttan bakgrunn og brenna fyrir verkefnum sínum. Verkefnin sem unnið er að eru fjölbreytt og spennandi og má þar nefna umsjón með lokuðu tölvuneti, rekstur upplýsingakerfa lögreglu, gagnatengingar við samstarfsaðila erlendis og aðstoð við notendur. Framundan eru m.a. umfangsmikil verkefni í tengslum við innleiðingu upplýsingakerfa Schengen-samstarfsins. Ef þessi lýsing vekur upp áhuga þinn, þá hvetjum við þig til að sækja um og verða hluti af því frábæra teymi sem starfar á þjónustusviði.
Embætti ríkislögreglustjóra er lifandi þekkingarvinnustaður sem býr að fjölbreyttum og framúrskarandi mannauði þar sem starfa rúmlega 250 starfsmenn sem sinna margbreytilegum verkefnum. Lögð er áhersla á opin og jákvæð samskipti, markvissa starfsþróun og unnið er í samræmi við stefnu embættisins um samræmingu fjölskyldulífs og vinnu.
Stefna embættis ríkislögreglustjóra í hnotskurn:
Okkar tilgangur er að vernda og virða
Okkar sýn er að vinna að öruggara samfélagi
Okkar markmið er að vera þjónustudrifin, framsækin og upplýsandi.
Okkar áhersla er á þjónustu - fagmennsku - mannauð - tækni - rekstur.
Helstu verkefni og ábyrgð
Rekstur Microsoft Windows og RedHat Enterprise Linux netþjóna
Rekstur og viðhald á núverandi kerfum tengdum Schengen samstarfinu
Uppsetning og rekstur á nýju landamærakerfi
Uppsetning og rekstur á samþættingarlagi vegna Schengen samstarfsins
Uppsetning og viðhald á vöktun á hug- og vélbúnaði
Tryggja rekstrarsamfellu alþjóðlegra kerfa í krefjandi tæknilegu umhverfi
Tryggja öryggi í rekstri og varnir gegn árásum og óværum
Þjónusta og aðstoð við notendur
Samskipti og samvinna með aðildarríkjum Schengen samstarfsins
Samskipti við birgja og þjónustuaðila
Hæfniskröfur
Menntun, þekking og reynsla
Menntun sem gagnast í samræmi við kröfur starfsins, tæknilegar vottanir eru jafnframt kostur.
Lágmark 3ja ára starfreynsla á sviði kerfisstjórnunar í upplýsingatækni
Þekking á rekstri Windows Server skilyrði
Þekking á TCP/IP, netkerfum, eldveggjum o.s.frv. skilyrði
Þekking á helstu öryggisráðstöfunum í rekstri upplýsingatæknikerfa skilyrði
Þekking á gagnagrunnsþjónum ( Microsoft SQL Server og/eða Oracle ) æskileg
Þekking á rekstri VMware og Veeam æskileg
Þekking og reynsla af rekstri gagnastæða kostur
Þekking á Microsoft IIS kostur
Þekknig á TLS/SSL og PKI kostur
Þekking á DNS er kostur
Þekking á service-oriented architecture er æskileg
Reynsla af uppsetningu, rekstri og viðhaldi á RedHat Enterprise Linux eða tengdum Linux tegundum (distribution)
Reynsla af uppsetningu, rekstri og viðhaldi á álagsjöfnurum er kostur
Mikil reynsla af bilanaleit og viðgerðum
Reynsla af teymisvinnu
Persónulegir eiginleikar
Færni og reynsla af því að sinna síbreytilegum verkefnum
Metnaður til að takast á við flókin verkefni og ná árangri í starfi
Jákvætt viðmót, hæfni til að vinna sjálfstætt sem og hluti af teymi
Skipulagshæfni, nákvæm og traust vinnubrögð
Sýni frumkvæði í verkefnum sem og við hefðbundin störf
Sé lausnamiðaður, opinn fyrir nýjungum og framsækinn
Aðlögunarhæfni, geti starfað og tekið góðar ákvarðanir undir álagi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsóknir sem berast eftir að umsóknarfresti lýkur verða ekki teknar til greina. Umsóknir geta gilt í 6 mánuði frá lokum umsóknarfrests. Öllum umsóknum verður svarað þegar ákvörðun um ráðningu hefur verið tekin. Áskilinn er réttur til að hafna öllum umsóknum.
Umsækjendur skulu senda inn ferilskrá að hámarki 2 bls. ásamt kynningarbréfi sem er að hámarki 1 bls. á íslensku þar sem gerð er grein fyrir ástæðu umsóknar og hæfni umsækjanda sem nýtist til að sinna starfinu í samræmi við þær hæfniskröfur sem fram koma í auglýsingu. Umsækjendum um störf hjá embætti ríkislögreglustjóra kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.
Öll kyn eru hvött til að sækja um en í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um.
Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu. Með vísan til 24. gr. varnarmálalaga nr. 34/2008 og 20. gr. reglugerðar nr. 959/2012, sbr. einnig 30. og 31. gr. reglugerðarinnar þarf starfsmaður að standast bakgrunnskoðun til að hljóta öryggisvottun vegna starfans.
Starfshlutfall er 100%
Umsóknarfrestur er til og með 15.07.2024
Nánari upplýsingar veitir
Ágústa Hlín Gústafsdóttir, agustah@logreglan.is
Sími: 4442500
Þjónustuaðili
Ríkislögreglustjóri
Upplýsingar um starf
Starf
Tvær stöður á þjónustusviði ríkislögreglustjóra
Staðsetning
Höfuðborgarsvæðið
Starfshlutfall
100%
Starf skráð
01.07.2024
Umsóknarfrestur
15.07.2024