Verkefnastjóri framkvæmda

FSRE leitar að metnaðarfullum og lausnamiðuðum einstaklingi í öflugan hóp verkefnastjóra á sviði framkvæmda. Á sviðinu starfa þverfagleg teymi sérfræðinga og verkefnastjóra sem leiða fjölbreytt framkvæmdaverkefni um allt land. FSRE stuðlar að stöðugum framförum í byggingariðnaði á Íslandi og leitast við að vera leiðandi afl og í fararbroddi við öflun á góðu en hagkvæmu húsnæði í allra þágu.

FSRE hefur yfirumsjón með húsnæðisöflun fyrir stofnanir ríkisins. Auk þess að stýra hönnun, undirbúningi og eftirliti með framkvæmdum við nýbyggingar felur starfsemin einnig í sér verkefni sem varða breytingar og endurbætur á eldra húsnæði og aðstöðu.

Um er að ræða fjölbreytt og áhugavert starf á framsæknum og nútímalegum vinnustað.

• Verkefnisstjórn framkvæmda- og leiguverkefna, á stigi undirbúnings, hönnunar og/eða framkvæmda

• Gerð þarfa- og kostnaðargreininga og kostnaðar- og tímaáætlana

• Umsjón með útboðsferli framkvæmdaverkefna

• Umsjón með uppgjöri verkefna og þátttaka í afhendingu verkefna til notenda

• Mat á viðhalds- og endurbótaþörf fasteigna í samráði við önnur svið FSRE

• Þátttaka í þróun lausna fyrir sérhæft húsnæði í samstarfi við aðra sérfræðinga innan og utan stofnunarinnar

• Þátttaka í framþróun verkefnastjórnunar, sem og annarra umbótaverkefna

• Háskólamenntun sem nýtist í starfi

• Menntun, vottun eða farsæl reynsla í verkefnastjórn

• Reynsla af hönnun og/eða verklegum framkvæmdum

• Þekking eða reynsla af opinberri stjórnsýslu er kostur

• Þekking á BIM hönnun og umhverfisvottunum er kostur

• Framúrskarandi samskipta- og samstarfshæfni

• Frumkvæði, metnaður, skipulagsfærni og öguð vinnubrögð

• Góð íslensku- og enskukunnátta og hæfni í tjáningu í ræðu og riti

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Öllum umsóknum þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Áhugasamir einstaklingar, óháð kyni, eru hvattir til að sækja um. Umsóknir geta gilt í sex mánuði frá birtingu auglýsingar, sbr. reglur nr. 1000/2019, um auglýsingar lausra starfa.

Starfið er auglýst án staðsetningar í samræmi við stefnu stjórnvalda.

Um FSRE:Við hjá FSRE mótum og rekum aðstöðu sem nýtist öllum íbúum landsins með einum eða öðrum hætti. Við önnumst fasteignir og jarðir ríkisins, öflum húsnæðis og stýrum framkvæmdum við breytingar, endurbætur og nýbyggingar. Okkar leiðarljós er að aðstaða og þjónusta FSRE styðji við verðmætasköpun og velsæld í íslensku samfélagi.

FSRE heldur utan um stærsta fasteignasafn landsins sem samanstendur af 530 þúsund m² húsnæðis í 380 eignum auk um 300 jarða og landsvæða. Við vinnum jafnframt að fjölbreyttum fasteignaþróunarverkefnum sem snerta flest svið mannlífsins s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði.

Hjá FSRE starfa rúmlega 70 sérfræðingar með breiða þekkingu á sviði fasteignaþróunar, framkvæmda og rekstrar. Við erum spennandi vinnustaður á fleygiferð inn í framtíðina, bjóðum upp á verkefnamiðað vinnuumhverfi og sveigjanlegan vinnutíma. Við leggjum áherslu á að styðja starfsfólk okkar í þekkingaröflun, m.a. í gegnum alþjóðlegt tengslanet. Við brennum fyrir jafnrétti, frábærri vinnustaðamenningu og fjölskylduvænum vinnustað.