![](https://images.ctfassets.net/8k0h54kbe6bj/6PHUWW83ZRNXU0ydxQsipf/6f460fab1a36daf4c6faf4e604b4741a/Logo.png)
Þjónustuaðili
Landspítali
Upplýsingar um starf
Starf
Hjúkrunardeildarstjóri barnadeildar og Rjóðurs á Barnaspítala Hringsins
Staðsetning
Höfuðborgarsvæðið
Starfshlutfall
100%
Starf skráð
19.07.2024
Umsóknarfrestur
06.08.2024
Hjúkrunardeildarstjóri barnadeildar og Rjóðurs á Barnaspítala Hringsins
Starf hjúkrunardeildarstjóra barnadeildar og Rjóðurs er laust til umsóknar. Við leitum að kraftmiklum stjórnanda til að sameina, leiða og efla starfsemi þessara tveggja deilda og byggja upp sterka þverfaglega liðsheild og menningu sálræns öryggis. Starfið er unnið í nánu samstarfi við forstöðuhjúkrunarfræðing, framkvæmdastjóra, annað samstarfsfólk.
Starfsfólk Barnaspítala Hringsins sinnir breiðum skjólstæðingahópi frá fæðingu að 18 ára aldri og fjölskyldum þeirra. Stefnan er að veita fjölskyldumiðaða þjónustu þar sem öryggi, fagmennska og umhyggja er höfð að leiðarljósi og sjónarmið þjónustuþega eru nýtt til umbóta.
Hjúkrunardeildarstjóri er leiðtogi og hefur þríþætta ábyrgð sem stjórnandi: faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðuhjúkrunarfræðingur Kvenna- og barnasviðs.
Starfshlutfall er 100% og veitist starfið frá 1. október 2024 eða eftir samkomulagi.
Helstu verkefni og ábyrgð
Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni
Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildunum
Fjárhagsleg ábyrgð, þ.e. ábyrgð á rekstrarkostnaði deildanna
Hæfniskröfur
Íslenskt hjúkrunarleyfi
Starfsreynsla sem hjúkrunarfræðingur
Framhaldsmenntun í hjúkrun og/eða önnur framhaldsmenntun á háskólastigi sem nýtist í starfi er kostur
Þekking á og farsæl reynsla af öryggis-, gæða- og umbótastarfi
Færni í stjórnunarhlutverki, þ.e. faglegri ábyrgð, starfsmannaábyrgð og fjárhagslegri ábyrgð
Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
Frumkvæði, áræðni, drifkraftur og stefnumótandi hugsun
Góð íslenskukunnátta og færni til að tjá sig í mæltu og rituðu máli
Hreint sakavottorð
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.
Í umsóknarformið skal skrá inn upplýsingar um:
Fyrri störf, menntun og hæfni
Félagsstörf og umsagnaraðila
Nauðsynleg fylgiskjöl:
Vottað afrit af prófskírteinum og starfsleyfi
Ferilskrá ásamt kynningarbréfi með rökstuðningi fyrir hæfni og sýn á starfið
Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.
Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarf
Starfshlutfall er 100%
Umsóknarfrestur er til og með 06.08.2024
Nánari upplýsingar veitir
Dögg Hauksdóttir, dogghauk@landspitali.is
Sími: 543-1000
Hrönn Harðardóttir, hronhard@landspitali.is
Sími: 897-5600
![](https://images.ctfassets.net/8k0h54kbe6bj/6PHUWW83ZRNXU0ydxQsipf/6f460fab1a36daf4c6faf4e604b4741a/Logo.png)
Þjónustuaðili
Landspítali
Upplýsingar um starf
Starf
Hjúkrunardeildarstjóri barnadeildar og Rjóðurs á Barnaspítala Hringsins
Staðsetning
Höfuðborgarsvæðið
Starfshlutfall
100%
Starf skráð
19.07.2024
Umsóknarfrestur
06.08.2024