Yfirlögregluþjónn - Lögreglustjórinn á Norðurlandi eystra

Lögreglustjórinn á Norðurlandi eystra auglýsir lausa til umsóknar stöðu yfirlögregluþjóns með starfsstöð á Akureyri. Yfirlögregluþjónn stýrir daglegum rekstri löggæslusviðs embættisins í nánu samráði og í umboði lögreglustjóra. Gert er ráð fyrir að lögreglustjóri setji í stöðuna til sex mánaða frá og með 1. nóvember nk. með skipun í huga að liðnum reynslutíma.

Lögreglustjórinn á Norðurlandi eystra er nútímaleg og framsækin stofnun sem er til staðar fyrir alla alltaf. Megináhersla er lögð á að starfsfólk búi yfir þekkingu og hæfni til að takast á við fjölbreytt verkefni. Áhersla er á traust og gagnsæi í samskiptum, jafnrétti, starfsánægju og heilbrigðan starfsanda

• Dagleg yfirstjórn lögregluliðs í umdæmi Lögreglustjórans á Norðurlandi eystra í umboði lögreglustjóra.

• Þátttaka í áætlanagerð, skipulagningu og markmiðssetningu embættisins.

• Eftirlit með að reglum og fyrirmælum sé framfylgt og að fjárhagslegur rekstur lögreglu sé innan fjárheimilda.

• Yfirumsjón og ber ábyrgð á löggæsluaðgerðum við sérstök verkefni og við stærri lögregluaðgerðir.

• Yfirumsjón með tækja- og tæknimálum embættisins sem og þjálfun almennra lögreglumanna og að endur- og símenntun fari fram.

• Úrvinnsla starfsmannamála í samráði við aðra stjórnendur.

• Umsjón með launaskráningu og launavinnslu ásamt bókara.

• Samskipti og samstarf ásamt aðstoð við önnur lögregluembætti og hagsmunaaðila, innanlands sem og á alþjóðavísu.

• Auk annarra starfa og verkefna sem lögreglustjóri felur honum eða leiðir af venju.

Um verksvið og ábyrgð yfirlögregluþjóns vísast nánar til 5. gr. reglugerðar nr. 1051/2006 um starfsstig innan lögreglunnar.

Umsækjendur skulu hafa lokið prófi frá Lögregluskóla ríkisins eða diplómaprófi í lögreglufræðum sem jafngilda 120 stöðluðum námseiningum, þ. m. t. starfsnámi á vegum lögreglunnar og hafa starfað sem lögreglumenn í að minnsta kosti fimm ár að prófi loknu skv. 2. mgr. 14. gr. reglugerðar nr. 1051/2006 um starfsstig innan lögreglunnar.

Mikilvæg hæfni:

• Þekking og reynsla af lögreglustörfum og stjórnun innan lögreglu, þ.m.t. stjórnun lögregluaðgerða og skipulagningu löggæslu á stærri viðburðum.

• Þekking og reynsla af rekstri.

• Þekking og reynsla á sviði almannavarna, aðgerðastjórnun og viðbragðsáætlunum.

• Þekking og reynsla á sviði þjálfunar- og búnaðarmála lögreglu.

• Góð þekking á landskerfum lögreglu sem og staðgóð almenn tölvukunnátta.

• Góð íslenskukunnátta, og færni í að tjá sig í ræðu og riti á íslensku og ensku.

• Hæfni til að koma fram sem talsmaður embættisins.

• Önnur menntun og reynsla sem nýtist í starfi.

Mikilvægir eiginleikar:

• Framúrskarandi hæfni í mannlegum samskiptum.

• Leiðtogafærni.

• Sveigjanleiki og gott álagsþol.

• Lausnamiðað og jákvætt viðhorf.

• Frumkvæði og drifkraftur.

• Sjálfstæði, skipulagshæfni og nákvæm vinnubrögð.

• Færni til að takast á við og leiða breytingar.

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Umsókn skal fylgja ferilskrá ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum ásamt nöfnum tveggja umsagnaraðila. Umsækjendum kann að verða gert að leysa verkefni í ráðningarferlinu sem kæmu, auk annarra þátta, inn í heildstætt mat á hæfni þeirra til að gegna starfinu. Umsækjendur eru vinsamlegast beðnir um að vanda umsóknir sínar.

Til að staðreyna hvort umsækjandi uppfylli skilyrði e-liðar 2. mgr. 28. gr. lögreglulaga nr. 90/1996 er lögreglustjóra heimilt skv. 28. gr. a. sömu laga að afla upplýsinga um umsækjendur úr sakaskrá og málaskrám lögreglu.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um skipun liggur fyrir. Athygli er vakin á að umsóknir munu gilda í 6 mánuði frá því að umsóknarfrestur rennur út.

Embættið leggur áherslu á jafnrétti og hvetur fólk af öllum kynjum til að sækja um.

Sækja skal um stöðuna með rafrænum hætti á vef Starfatorgs, www.island.is/starfatorg