![](https://images.ctfassets.net/8k0h54kbe6bj/6PHUWW83ZRNXU0ydxQsipf/6f460fab1a36daf4c6faf4e604b4741a/Logo.png)
Þjónustuaðili
Landspítali
Upplýsingar um starf
Starf
Aðstoðardeildarstjóri hjúkrunar á geðgjörgæslu Landspítala
Staðsetning
Höfuðborgarsvæðið
Starfshlutfall
100%
Starf skráð
08.05.2024
Umsóknarfrestur
23.05.2024
Aðstoðardeildarstjóri hjúkrunar á geðgjörgæslu Landspítala
Geðgjörgæslan við Hringbraut vill ráða áhugasaman og kraftmikinn hjúkrunarfræðing í stöðu aðstoðardeildarstjóra í afleysingu til eins árs frá 6. ágúst 2024 eða eftir nánara samkomulagi. Um fullt starf er að ræða. Viðkomandi þarf að búa yfir afburða samskiptahæfni og vera tilbúinn til þess að taka þátt í og leiða öfluga teymisvinnu.
Á geðgjörgæslunni er veitt sérhæfð þjónusta í meðferð og umönnun einstaklinga með bráð geðræn einkenni vegna geðraskana. Gagnreynd þekking, viðurkenndir verkferlar og hugmyndafræði um geðgjörgæslu eru í fyrirrúmi ásamt góðu samstarfi við aðstandendur.
Á deildinni starfa um 50 starfsmenn í þverfaglegu teymi. Vinnuandinn einkennist af samvinnu, lipurð, stuðningi, metnaði og góðum liðsanda. Tækifæri til sérhæfingar eru mörg og því spennandi vettvangur fyrir hjúkrunarfræðing sem hefur áhuga á að dýpka þekkingu sína í geðhjúkrun og öðlast dýrmæta reynslu í hjúkrunarstjórnun.
Helstu verkefni og ábyrgð
Skipuleggur og stjórnar daglegri starfsemi deildar í samráði við hjúkrunardeildarstjóra
Er leiðandi í klínísku starfi og framþróun hjúkrunar
Ábyrgð á rekstri og mönnun deildar í fjarveru hjúkrunardeildarstjóra
Stuðlar að hvetjandi og jákvæðu starfsumhverfi og stöðugri liðsheild
Þátttaka í uppbyggingu á þverfaglegri teymisvinnu
Hæfniskröfur
Íslenskt hjúkrunarleyfi
Mjög góð samskiptahæfni og geta til að vinna undir álagi
Faglegur metnaður og ábyrgð í starfi
Áhugi á geðhjúkrun og hjúkrunarstjórnun
Áhugi á þverfaglegu samstarfi og teymisvinnu
Reynsla af geðhjúkrun og hjúkrunarstjórnun er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, hjúkrunarfræðingur, aðstoðardeildarstjóri hjúkrun, hjúkrun, stjórnun
Starfshlutfall er 100%
Umsóknarfrestur er til og með 23.05.2024
Nánari upplýsingar veitir
Jóhanna Guðmunda Þórisdóttir, johathor@landspitali.is
Sími: 825-1507
Hulda Dóra Styrmisdóttir, huldads@landspitali.is
![](https://images.ctfassets.net/8k0h54kbe6bj/6PHUWW83ZRNXU0ydxQsipf/6f460fab1a36daf4c6faf4e604b4741a/Logo.png)
Þjónustuaðili
Landspítali
Upplýsingar um starf
Starf
Aðstoðardeildarstjóri hjúkrunar á geðgjörgæslu Landspítala
Staðsetning
Höfuðborgarsvæðið
Starfshlutfall
100%
Starf skráð
08.05.2024
Umsóknarfrestur
23.05.2024