Eftirlitsdýralæknir í Suðausturumdæmi

Viltu taka þátt í að tryggja velferð dýra á Íslandi?

Matvælastofnun óskar eftir því að ráða eftirlitsdýralækni til starfa í Suðausturumdæmi með aðsetur á Selfossi. Um er að ræða 100% starf og æskilegt að umsækjandi geti hafið störf sem fyrst.

Matvælastofnun er nútímaleg og framsækin þjónustustofnun sem gætir hagsmuna neytenda og málleysingja. Megináhersla er lögð á starfsánægju og samskipti ásamt því að vera öflugt og lifandi þekkingarsamfélag.

Við stöndum vörð um heilsu manna, dýra og plantna og aukum þannig velferð og verðmætasköpun í þágu þjóðarinnar. Gildi Matvælastofnunar eru FAGMENNSKA, GAGNSÆI OG TRAUST.

Eftirlitsdýralæknir sinnir fyrst og fremst eftirliti skv. gildandi lögum og reglugerðum á sviði matvæla, dýraheilbrigðis og dýravelferðar. Einnig sinnir hann heilbrigðiseftirliti í sláturhúsum, samskiptum við opinberar stofnanir ásamt umsjón með tilteknum málaflokkum á verksviði umdæmisskrifstofunnar.

• Dýralæknismenntun og gilt dýralæknaleyfi á Íslandi

• Æskilegt er að umsækjandi hafi starfað við opinbert eftirlit

• Þekking og reynsla af opinberri stjórnsýslu er kostur

• Nákvæmni, frumkvæði og sjálfstæði í starfi

• Samstarfshæfni og lipurð í mannlegum samskiptum

• Hæfni til tjáningar í ræðu og riti á íslensku og ensku er skilyrði

• Góð almenn tölvukunnátta

• Bílpróf

Laun samkvæmt gildandi kjarasamningi sem fjármála- og efnahagsráðherra og Dýralæknafélag Íslands hafa gert.

Umsókn skal fylgja starfsferilskrá, prófskírteini og kynningarbréf.

Öllum umsóknum verður svarað þegar ráðning liggur fyrir. Vakin er athygli á því að umsóknir gilda í sex mánuði nema umsækjandi ákveði annað.

Nánari upplýsingar um stofnunina er að finna á www.mast.is.