Þjónustuaðili
Landspítali
Upplýsingar um starf
Starf
Hjúkrunarfræðingur - Vöknun við Hringbraut
Staðsetning
Höfuðborgarsvæðið
Starfshlutfall
70-100%
Starf skráð
30.04.2024
Umsóknarfrestur
21.05.2024
Hjúkrunarfræðingur - Vöknun við Hringbraut
Við óskum eftir að ráða til starfa metnaðarfullan hjúkrunarfræðing á vöknun við Hringbraut. Í boði er starf á frábærum vinnustað þar sem samvinna, faglegt starf, þróun og öryggi sjúklinga eru höfð að leiðarljósi. Unnið er í vaktavinnu samkvæmt vaktaskipulagi deildarinnar á þrískiptum vöktum. Starfið er laust nú þegar eða eftir samkomulagi. Æskilegt starfshlutfall er 70-100%.
Starfið er fjölbreytt, skjólstæðingar deildarinnar eru á öllum aldri og tilheyra ólíkum sérgreinum spítalans. Í boði er góð einstaklingsbundin aðlögun undir leiðsögn reyndra hjúkrunarfræðinga, áhersla er lögð á teymisvinnu, fagmennsku og starfsþróun.
Á vöknun starfa 18 hjúkrunarfræðingar og 3 sjúkraliðar við fjölbreytt og krefjandi verkefni, í nánu samstarfi við fagfólk í öðrum sérgreinum. Vöknun heyrir undir skurðlækninga-, skurðstofur og gjörgæsluþjónustu og er næsti yfirmaður, deildarstjóri svæfingar og vöknunar við Hringbraut
Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
Helstu verkefni og ábyrgð
Ábyrgð á hjúkrun sjúklinga eftir skurðaðgerðir og önnur inngrip, í samræmi við sýn og stefnu hjúkrunar á Landspítala
Þátttaka í teymisvinnu og umbótastarfi deildar
Ýmis önnur verkefni
Hæfniskröfur
Íslenskt hjúkrunarleyfi
Faglegur metnaður
Sveigjanleiki, jákvætt viðmót og góðir samskiptahæfileikar
Skipulögð, sjálfstæð og öguð vinnubrögð
Áhugi og hæfni til að takast á við breytingar og færni í teymisvinnu
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Hjúkrunarfræðingur, hjúkrun
Starfshlutfall er 70-100%
Umsóknarfrestur er til og með 21.05.2024
Nánari upplýsingar veitir
Bergþóra Eyjólfsdóttir, bergthey@landspitali.is
Sími: 824-5226
Inga Björk Jóhannsdóttir, ingabj@landspitali.is
Sími: 620-1489
Þjónustuaðili
Landspítali
Upplýsingar um starf
Starf
Hjúkrunarfræðingur - Vöknun við Hringbraut
Staðsetning
Höfuðborgarsvæðið
Starfshlutfall
70-100%
Starf skráð
30.04.2024
Umsóknarfrestur
21.05.2024