Þjónustuaðili
Miðstöð menntunar og skólaþjónustu
Upplýsingar um starf
Starf
Leikskólaráðgjafi
Staðsetning
Höfuðborgarsvæðið
Starfshlutfall
100%
Starf skráð
26.06.2024
Umsóknarfrestur
31.07.2024
Leikskólaráðgjafi
Miðstöð menntunar og skólaþjónustu auglýsir starf leikskólaráðgjafa með áherslu á móttöku og menntun barna með fjölbreyttan tungumála- og menningarbakgrunn. Við leitum að metnaðarfullum og drífandi einstaklingi með þekkingu og reynslu af starfi í leikskóla. Viðkomandi þarf að hafa reynslu af því að vinna með börnum og foreldrum með fjölbreyttan tungumála og menningarbakgrunn sem og þekkingu á leikskólastarfi í fjölmenningarlegum og fjöltyngdum barnahópum. Viðkomandi verður hluti af samstarfsteymi Miðstöðvar menntunar og skólaþjónustu og Miðju máls og læsis sem sameinast 1. ágúst næstkomandi í tengslum við þróunarverkefnið Menntun, Móttaka, Menning (MEMM) en verkefnið er samstarfsverkefni Mennta- og barnamálaráðuneytis, Miðstöðvar menntunar og Reykjavíkurborgar. Markmið MEMM er að stuðla að inngildingu og virkri þátttöku barna með fjölbreyttan tungumála- og menningarbakgrunn með því að koma á samræmdu verklagi um móttöku og menntun þeirra á landsvísu í leikskólum, grunnskólum, framhaldsskólum og frístundastarfi, þróa og tryggja öfluga ráðgjöf, námsgögn og verkfæri, sem og stuðning til lausnar flóknari aðstæðum.
Leikskólaráðgjafinn er leikskólum og skólaskrifstofum um land allt til ráðgjafar og stuðnings varðandi móttöku og menntun barna með fjölbreyttan tungumála- og menningarbakgrunn, fjölmenningarlega starfshætti, bernskulæsi fjöltyngdra barna, foreldrasamstarf og inngildandi leikskólastarf. Auk þess annast viðkomandi og skipuleggur fræðslu um ofangreinda þætti og kemur að námsefnisgerð í samstarfi við aðra ráðgjafa teymisins.
Ef þú finnur þig í faglegu og skemmtilegu vinnuumhverfi þar sem starfsfólk brennur fyrir umbótum, þróun og þjónustu, hefur reynslu af fjölmenningarlegu leikskólastarfi, vinnu með íslensku og bernskulæsi fjöltyngdra leikskólabarna, samstarfi við fjölbreytta foreldra og þróun lærdómssamfélags þá gæti þetta verið starf fyrir þig.
Hjá okkur starfar samhentur hópur sem á það sameiginlegt að brenna fyrir því hlutverki að aðstoða skólasamfélagið við það mikilvæga verkefni að skapa umhverfi þar sem öll börn fá tækifæri til þess að njóta sín og blómstra. Nú leitum við að öflugri viðbót í þennan góða hóp.
Framundan eru spennandi tímar við að þróa nýja hugsun og nálgun hjá nýrri stofnun. Við hjá Miðstöð menntunar og skólaþjónustu leggjum upp úr faglegu og skemmtilegu vinnuumhverfi.
Helstu verkefni og ábyrgð
Stuðningur og ráðgjöf varðandi íslensku og bernskulæsi fjöltyngdra barna
Stuðningur og ráðgjöf varðandi foreldrasamstarf, inngildingu, fjölmenningarlega og fjöltyngda starfshætti
Skipulag og umsjón með starfsþróun fyrir starfsfólk skólaskrifstofa
Þátttaka í námsefnisgerð og þróun ferla og verkfæra sem nýtast
Þátttaka í þverfaglegri teymisvinnu
Vinna að stefnu og tryggja stöðugar umbætur í takt við þróun og þarfir skólasamfélagsins
Vinna í þéttu samtali og samstarfi við hagaðila, s.s. skóla og sveitarfélög og annarra
Hæfniskröfur
Leyfisbréf til kennslu
Reynsla, áhugi og viðtæk þekking á leikskólastarfi
Þekking og reynsla af málefnum barna með fjölbreyttan tungumála- og menningarbakgrunn og fjölmenningarlegu leikskólastarfi
Drifkraftur, frumkvæði og metnaður til að ná árangri
Víðsýni og lausnamiðuð hugsun
Framúrskarandi samskiptahæfni og þjónustulund
Góð íslenskukunnátta og hæfni til að tjá sig í ræðu og riti
Góð enskukunnátta
Önnur tungumálakunnátta kostur
Góð tölvukunnátta
Frekari upplýsingar um starfið
Umsóknarfrestur er til og með 31. júlí nk. og verður ráðið í stöðuna frá 1. október eða eftir nánara samkomulagi. Ráðið er í starfið til eins árs með möguleika á framlengingu.
Launakjör eru samkvæmt kjarasamningi ríkisins og viðkomandi stéttarfélags.
Eftirfarandi gögn skulu fylgja umsókn:
1. Ferilskrá þar sem tilgreind er reynsla og þekking
2. Kynningarbréf með rökstuðningi fyrir hæfni viðkomandi til að gegna starfinu
3. Afrit af prófskírteinum og starfsleyfi ef við á.
Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá birtingu auglýsingar, sbr. reglur um auglýsingar lausra starfa nr. 1000/2019.
Starfshlutfall er 100%
Umsóknarfrestur er til og með 31.07.2024
Nánari upplýsingar veitir
Katrín Friðriksdóttir, katrin@midstodmenntunar.is
Sími: 897-9940
Dröfn Rafnsdóttir, drofn.rafnsdottir@reykjavik.is
Sími: 821-0960
Þjónustuaðili
Miðstöð menntunar og skólaþjónustu
Upplýsingar um starf
Starf
Leikskólaráðgjafi
Staðsetning
Höfuðborgarsvæðið
Starfshlutfall
100%
Starf skráð
26.06.2024
Umsóknarfrestur
31.07.2024