Almennt
Lögreglustjóri í hverju umdæmi fyrir sig veitir leyfi fyrir að halda aksturskeppni.
Dæmi um aksturskeppnir eru kappakstur, rallí, GoKart, drift, motocross, spyrnur og torfærukeppnir á bílum eða vélhjólum.
Leyfi lögreglustjóra
Sækja þarf um að minnsta kosti 5 virkum dögum fyrir keppni. Þá þurfa öll nauðsynleg gögn að fylgja með umsókn.
Leyfi er veitt til árs í senn.
Hægt er að sækja um leyfi fyrir fleiri en einni keppni í einu, til dæmis samkvæmt keppnisdagatali.
Keppnir
Leyfi eru gefin út vegna keppni í íþróttagreinum sem eru stundaðar á vegum aðildarfélaga innan:
Mótorhjóla- og snjósleðaíþróttasambands Íslands vegna keppni á tveggja og þriggja hjóla ökutækjum og torfæruhjólum.
Akstursíþróttasambands Íslands vegna keppni á ökutækjum með fjórum hjólum eða fleiri.
Nauðsynleg fylgigögn
Umsögn frá Mótorhjóla- og snjósleðaíþróttasambandi Íslands eða Akstursíþróttasambandi Íslands, eftir því sem við á. Í umsögn skal koma fram faglegt mat á öryggisþáttum og tillögur um framkvæmd og eftirlit á keppnisstað í samræmi við verklagsreglur.
Afrit af tryggingaskírteini – slysatrygging vegna starfsmanna við keppni.
Afrit af tryggingaskírteini – ábyrgðartrygging vegna framkvæmdar keppni.
Leyfi veghaldara og annarra hagsmunaaðila eftir því sem við á.
Upplýsingar í reglugerð
Reglur um skyldur keppnisaðila og aðrar nauðsynlegar upplýsingar eru í reglugerð um akstursíþróttir og aksturskeppnir.
Þjónustuaðili
Lögreglan