Við byggjum upp og rekum innviði sem stofnanir, fyrirtæki og almenningur getur treyst ásamt því að tryggja framgang, öryggi og gæði nýrra lausna sem þróaðar eru af ytri aðilum, t.d. í nýsköpunarsamfélaginu.

Við leiðum sameiginleg innkaup á stafrænum lausnum svo þær nýtist stofnunum um allt land. Þannig nýtum við betur opinbera fjármuni.

Við vinnum að því að heilbrigðisþjónusta sé samfelld í augum notenda, óháð því hvar hún er veitt.

Við höldum utan um stafræn verkefni heilbrigðiskerfisins á einum stað og forgangsröðum þeim eftir þörfum almennings og starfsfólks.

Við styðjum við nýsköpun sem traustur samstarfsaðili sem leiðbeinir og aðstoðar nýsköpunarsamfélagið án þess að gefa afslátt af öryggi og gæðum.