Verðlaunaleikurinn

Nemendur þeirra skóla sem tóku þátt í Forvarnardeginum áttu þess kost að taka þátt í verðlaunaleik Forvarnardagsins og senda inn stafrænt efni. Umfjöllunarefnið átti að vera um leiki sem stuðla að samveru fjölskyldu og vina. Dómnefnd skipuð samstarfsaðilum fór yfir innsend verkefni sem voru alls 26, sextán verkefni frá nemum í grunnskóla og tíu verkefni frá nemum í framhaldsskóla. Það var ánægjulegt að sjá að fleiri skólar eru að taka upp það fyrirkomulag að nota verlaunaverkefnið sem skilaverkefni í sínu skipulagi. Verkefnum sem skilað var inn voru fjölbreytt og mörg þeirra áhugaverð, þannig að valið var erfitt.

Verðlaunahafar fyrir grunnskólaverkefni eru úr Grunnskólanum í Borgarnesi, Kristný Halla Bragadóttir, Valdís Björk Samúelsdóttir, Agla Dís Adolfsdóttir, Emelía Ýr Gísladóttir og Emma Mist Andradóttir.

• Góðir fjölskylduleikir - myndband

Verðlaunahafi fyrir framhaldskólaverkefni er úr Framhaldsskólanum á Húsavík, Elísabet Ingvarsdóttir.

• Fjölskylduleikir. Hugarkort - veggspjald

Embætti landlæknis fer með verkefnastjórn Forvarnardagsins en auk embættis forseta eru samstarfsaðilar eftirtaldir: ÍSÍ, UMFÍ, Heimili og skóli, Rannsóknir og greining, Planet Youth, Reykjavíkurborg, Samband íslenskra sveitarfélaga, Samfés, Ríkislögreglustjóri, Skátarnir og SAFF.

Ingibjörg Guðmundsdóttir og Lísbet Sigurðardóttir
Verkefnastjórar Forvarnardags