Íslensku lýðheilsuverðlaunin 2024
28. febrúar 2024
Íslensku lýðheilsuverðlaunin verða veitt í annað sinn á Bessastöðum í síðari hluta aprílmánaðar.
![](https://images.ctfassets.net/8k0h54kbe6bj/6EA4SgoFIsZuqjXcLhuGw9/3ce27dad8e79c9b9d464430df427341d/Lydheilsuverdlaun_merki_.png?w=50&fm=webp&q=80)
![Íslensku lýðheilsuverðlaunin - merki](https://images.ctfassets.net/8k0h54kbe6bj/6EA4SgoFIsZuqjXcLhuGw9/3ce27dad8e79c9b9d464430df427341d/Lydheilsuverdlaun_merki_.png?w=774&fm=webp&q=80)
Verðlaununum er ætlað að vekja athygli á mikilsverðu framlagi á sviði lýðheilsu og auka með þeim hætti áhuga á bættri heilsu og líðan almennings.
Veitt verða verðlaun í tveimur flokkum, annars vegar til einstaklings og hins vegar til samtaka, stofnunar eða fyrirtækis sem hafa látið gott af sér leiða á þessu sviði.
Forseti Íslands óskar eftir tillögum frá almenningi að verðugum verðlaunahöfum ásamt rökstuðningi á vefsíðunni lydheilsuverdlaun.is ekki síðar en 24. mars.