Þrír sérfræðingar frá Landi og skógi tala á fræðslufundi sem Félag skógarbænda á Suðurlandi efnir til miðvikudaginn 13. mars klukkan fimmtán á Reykjum í Ölfusi. Á fundinum verða tvö fræðsluerindi og einnig almennar umræður um skógrækt og félagsmál skógarbænda.

Hallur Björgvinsson skógræktarráðgjafi, sem starfar með skógarbændum á Suðurlandi, ætlar að ræða um snemmgrisjun og samhengi upphafsþéttleika og umhirðu.

Því næst fjallar Jón Þór Birgisson skógræktarráðgjafi um skráningu gróðursetninga ásamt Birni Bjarndal Jónssyni, formanni Félags skógarbænda á Suðurlandi.

Að því búnu verður efnt til almennra umræðna um stöðuna í bændaskógræktinni og þeim umræðum stýrir Hrefna Jóhannesdóttir, sviðstjóri ræktunar og nytja hjá Landi og skógi en Hrefna er einnig skógarbóndi sjálf á Silfrastöðum í Skagafirði.

Loks verða á fundinum almennar umræður um félags- og fræðslumál skógarbænda.

Kaffiveitingar verða á fundinum og félagsfólki er velkomið að taka með sér gesti á fundinn.

Dagskrá

Áætlað er að fundinum ljúki um kl. 17.