Nú er það aftur svo að enginn hefur fengist til að vinna þessa viku.

Frekar stuttur fyrirvari var til að fá lækni þessa viku en þrátt fyrir nærri þriggja mánaða fyrirvara á fjarverunni í síðustu viku tókst ekki að fá lækni.

Læknir í Grundarfirði sinnir bakvakt fyrir Ólafsvík en auk þess eru ávallt tveir sjúkraflutningamenn á bakvakt til að sinna bráðtilvikum. Læknar í Búðardal og í Stykkishólmi hafa komið til aðstoðar með símaráðgjöf og annast lyfjaendurnýjanir. Þá hefur læknir í Búðardal auk þess tekið að sér að vera hjúkrunarfræðingi í Ólafsvík til stuðnings og ráðgjafar í gegnum síma en mikilvægt að geta haft samvinnu um fjaraðstoð í aðstæðum sem þessum.  

Beðist er velvirðingar á þeim óþægindum sem íbúar í Snæfellsbæ hafa orðið fyrir undanfarið vegna læknaskorts og kvartanir sem borist hafa frá íbúum síðustu daga eru skiljanlegar. 

Ekki er annað vitað en þjónustan verði með venjubundnum hætti í næstu viku.