Kaupmannasamtök Íslands afhentu sjúkraþjálfunardeild á Akranesi göngustiga að gjöf að fjárhæð 3,9 m.kr.. Göngustiginn sameinar þrjú tæki í einu, göngustigi til að ganga upp og niður stillanleg þrep, gönguflötur með stillanlegum halla og láréttar samsíða stangir til að halda í. Sniðug og fjölhæf hönnun tækisins líkir eftir hversdagslegu umhverfi sem gerir sjúklingum kleift að þjálfa og æfa mismunandi brekkur, þrep og göngulag án þess að skipta um tæki. Með því að smella á hnapp geta sjúkraþjálfarar stillt hallastigið og hæð þrepa. Áður hafa sjúkraþjálfara þurft að æfa sjúklinga í þrepum með göngu í stigum stofnunarinnar á milli hæða, er þessi stigi því mikil framför með tilliti til öryggis og aðstöðu fyrir sjúklinga.