Þetta verkefni er framhald af góðu samstarfi sem SSV og HVE hafa átt undanfarin ár og hófst við undirbúning Velferðarstefnu Vesturlands árið 2018 og síðan verkefni í tengslum við Sóknaráætlun Vesturlands 2020-2024. Mikilvægt er að heilbrigðisstofnanir, sveitarstjórnir og stjórnvöld eigi í góðu samstarfi og vinni saman að velferð íbúanna.

Markmið verkefnisins er:

• Að tryggja að allir íbúar á Vesturlandi hafi gott aðgengi að heilbrigðisþjónustu og skilgreindri sérfræðingsþjónustu.

• Að taka höndum saman og vinna að því að laða vel menntað og hæfileikaríkt starfsfólk til starfa á öllum starfsstöðvum HVE á Vesturlandi.

• Að nýta ívilnanir Menntasjóðs til þess að laða vel menntað og hæfileikaríkt starfsfólk til starfa á starfsstöðvum HVE á Vesturlandi þar sem ívilnanir eru í gildi.

Hlutverk HVE er:

• Að allar starfsstöðvar HVE séu eftirsóknarverður vinnustaður.

• Að HVE tryggi gott vinnuumhverfi og góðan aðbúnað starfsfólks og þjónustuþega á öllum starfsstöðvum.

• Að HVE tryggi íbúum heilbrigðisþjónustu með gæði og öryggi í fyrirrúmi.

• Að HVE sé virkur þátttakandi í menntun heilbrigðisstarfsfólks.

Hlutverk sveitarfélaga og SSV er:

• Að tryggja aðgengi að leikskólum og frístund barna á grunnskólaaldri.

• Að veita upplýsingar um stöðu á vinnumarkaði sem nýst geta maka og aðgengi að samvinnurýmum.

• Að veita upplýsingar um þjónustu í sveitarfélaginu, helstu tækifæri til afþreyingar og stöðu á húsnæðismarkaði.

• Að vinna markvisst að því að auka aðdráttarafl sveitarfélaganna.