Um er að ræða Carescape Canvas hjartamonitor frá GE, Vitascan cVue blöðruskanna fyrir slysadeildina og tvö sjúkrarúm fyrir kvennadeildina. Heildarverðmæti gjafanna er rúmar 5 m.kr.

Jón S. Svavarsson formaður klúbbsins afhenti gjafabréf sem Fritz H. Berndsen yfirlæknir slysadeildar, Sigrún Guðný Pétursdóttir deildarstjóri slysadeildar og Hulda Gestsdóttir framkvæmdastjóri hjúkrunar veittu viðtöku og sögðu síðan stuttlega frá því hvernig þessi tæki nýtast í starfseminni. Forstjóri þakkaði fyrir þessa veglegu gjöf og þann einstaka stuðning sem Lionsklúbburinn hefur veitt sjúkrahúsinu með árlegum gjöfum síðustu áratugi. Loks var framreiddur kvöldverður sem Bjarni, Íris og Karítas töfruðu fram.

Á myndinni eru frá vinstri Örlygur Stefánsson formaður áhaldakaupasjóðs, Hulda Gestsdóttir, Sigrún Guðný Pétursdóttir og Jón S. Svavarsson formaður Lionsklúbbsins.