Um er að ræða tæki sem ber heitið Cardiac Workstation 5000. Sesselja Kristín Eggertsdóttir, formaður Hollvinasamtaka HH, afhenti Geir Karlssyni, yfirlækni heilsugæslunnar, tækið.

Fulltrúar gefenda voru einnig viðstaddir, að frátöldu Kvenfélagi Staðarhrepps. Með þeim þremur á hópmyndinni eru því Jóhanna Erla Jóhannsdóttir (Kvenfélagið Freyja), Guðmundur Haukur Sigurðsson (Hollvinasamtök HH), Jónína Ögn Jóhannesdóttir (Kvennabandið), Elísabet Eir Steinbjörnsdóttir (Hollvinasamtök HH), Sigurrós Magnea Jónsdóttir (Kvenfélagið Iðunn) og Vigdís Lillý Sigurjónsdóttir (Kvenfélagið Iðja). Að myndatöku lokinni var boðið upp á veitingar á kaffistofu heilsugæslunnar. Glæsileg gjöf sem kemur að góðum notum og við erum einkar þakklát fyrir okkar velunnara.