Þátttakan var afar góð og sýndi skýrt þann samhug, umhyggju og samstöðu sem einkennir starfsfólk HVE.

Sjálfsvígsforvarnir eru mikilvægt samfélagslegt verkefni og skipta miklu máli á vinnustað eins og HVE. Starfsfólk vinnur daglega með einstaklingum og fjölskyldum sem geta staðið frammi fyrir margvíslegum áskorunum. Því er mikilvægt að efla þekkingu, stuðla að opnum samtölum um geðheilsu og minna á að stuðningur og hjálp eru alltaf til staðar.

Jafnframt er mikilvægt að hlúa að eigin vellíðan og vellíðan samstarfsfólks. Með því að sýna hvert öðru umhyggju, hlusta og skapa jákvætt og styðjandi vinnuumhverfi styrkjum við bæði starfsfólk og þjónustuna sem við veitum.