Reynslan af símaráðgjöf 1700 sýnir að með sérþjálfuðu starfsfólki er hægt að leysa úr stórum hluta fyrirspurna með ráðgjöf í síma og netspjalli. Þessa þjónustu hafa einstaklingar á starfsssvæði HVE nýtt sér í vaxandi mæli.

Þann 16. maí n.k. verður stigið skref til viðbótar á heilsugæslustöðvum HVE í samvinnu við Upplýsingamiðstöð HH. Verklagið byggir á tilraunaverkefni sem fór af stað með heilsugæslunni á Akureyri s.l. sumar og hefur gefið afar góða raun. Bráð erindi verða flokkuð í gegnum síma 1700 og á netspjalli Heilsuveru fyrir komu á stöð. Þau sem þurfa, fá þá tíma samdægurs eða daginn eftir. Með þessu viljum við tryggja rétta þjónustu á réttum stað og réttum tíma. Þá mun þessi breyting spara skjólstæðingum tíma þar sem þeir geta fengið upplýsingar og ráðgjöf strax í stað þess að mæta beint á staðinn.

1700 símaráðgjöf

Hægt er að hringja í 1700 allan sólarhringinn og að auki er netspjall opið frá 8:00 til 22:00 alla daga vikunnar.

Minnum á lyfjaendurnýjun á heilsuvera.is.

Bráð erindi og ráðgjöf vegna veikinda fara núna í gegnum 1700 sem kemur þeim í réttan farveg innan heilsugæslustöðva HVE. Athugið að neyðarsíminn er áfram 112 og er fólki bent á að hringja í það númer ef þörf krefur.

Athugið eftirfarandi erindi er ekki hægt að leita til 1700 með:

• Lyfjaendurnýjun

• Niðurstöður úr rannsóknum

• Símatímar hjá læknum

• Vottorð og tilvísanir

Til að styðja sem best við þessa breytingu verður símsvörun á HVE samræmd og breytt þannig að símsvarinn mun bjóða upp á val fyrir bráð erindi og ráðgjöf vegna veikinda sem gefur viðkomandi samband við 1700.

• Ráðgjöf vegn bráðra erinda og ráðgjöf - hjúkrunarfræðingur hjá 1700 metur bráð erindi og er á vakt allan sólahringinn og kemur málum í réttan farveg.

• Sambandi við móttökuritara - tímabókanir.

• Upplýsingar um lyfjaendurnýjun og samband við viðeigandi aðila á opnunartíma lyfjasímans.

Hægt er að komast á netspjall heilsuveru sembirtist neðst í hægra horni á vefsíðunni heilsuvera.is, einnig á www.hve.is eða island.is/s/hve

Netspjall Heilsuveru