Hún segir fjölbreytnina og tengslin við sjúklinga vera það sem heillar mest við fagið. 
„Ég hef alltaf haft mikinn áhuga á forvarnarvinnu og því að geta brugðist snemma við sjúkdómum“ segir hún sem reynir að fylgja eigin ráðleggingum. Íris mætir í ræktina allt að fimm sinnum í viku til að lyfta lóðum og hugsar vel um mataræðið. Hún er einnig læknir í heilsu og lífstílsverkefninu Krafmiklir krakkar á heilsugæslunni.

Íris er frá Selfossi og fæddist á fæðingardeildinni þar. Hún vissi alltaf að hún ætlaði að verða læknir og segir námið og starfsreynsluna á Heilbrigðisstofnun Suðurlands hafa verið afar jákvæða. „Það er mjög gaman að vinna á HSU. Starfið er fjölbreytt, samstarfsfólkið frábært og handleiðslan góð,“ segir hún. Helstu áskoranir í starfi heimilislækna snýr að álagi að mati Írisar, mikil tímapressa og of mikil pappírsvinna ofan í fáliðað teymi heimilislækna.

Stefnan var að fara í lyflækningar, en hún sá fljótt að það væri skemmtilegra að vera heimilislæknir eftir að hafa unnið á HSU sem nemi og þá var ekki aftur snúið. „Það er svo gefandi að kynnast heilu fjölskyldunum og fylgja fólki eftir í gegnum lífið — sjá því batna eða halda krónískum sjúkdómum í jafnvægi sem lengst.“

Íris lýsir vinnunni á HSU sem einstaklega ánægjulegri og nýtur sín í starfi á heilsugæslunni 
„það er góður andi hér, gott fólk og fjölbreytt verkefni. Þetta er virkilega gott starfsumhverfi.“