Bráðamóttaka sinnir bráðum veikindum og slysum. Sjúklingar eru metnir af hjúkrunarfræðingi og út frá alvarleika ástæðu komu og ásigkomulagi og er raðað í 5 mismunandi flokka eftir bráðleika. Í sumum tilvikum gæti hjúkrunarfræðingur ráðlagt fólki að leita í aðra þjónustu en bráðaþjónustu ef erindi komunnar er ekki brátt. Flokkur 1. þolir ekki bið, viðkomandi er í lífshættu og þarf læknisþjónustu tafarlaust. Flokkur 5 er ekki í lífshættu og þolir þar af leiðandi bið. Þeir sem eru í flokki 4. og 5. þurfa að bíða lengur en þeir sem eru í flokki 3. óháð komutíma hvers og eins. Ef mörg aðkallandi og alvarleg mál eru á deildinni á sama tíma getur biðin orðið löng.

Starfsfólk Bráðamóttöku reynir eftir fremsta megni að þjónusta fólk eins fljótt og örugglega og aðstæður bjóða upp á. Þjónusta er skert frá 23:50-08:00 alla daga, en á næturnar er lágmarksmönnun og hefðbundnar rannsóknir eins og blóð- og röntgennnsókn eru ekki aðgengilegar. Starfsfólk deildarinnar metur hvaða sjúklinga þarf að flytja til Reykjavíkur á þessum tíma, hverjum er hægt að sinna á Selfossi án þessara rannsókna að næturlagi og hverjir geta komið aftur á dagvinnutíma í viðeigandi uppvinnslu. Við bendum á þjónustu 1700 sem einnig er opin allan sólarhringinn og getur aðstoðað fólk með hvert er best að leita og hvenær.

Yfirlæknir Bráðamóttöku HSU