Í gær var undirritað samkomulag á milli HSU og Árborgar um samþætta heimaþjónustu sem er gert á grundvelli þróunarverkefnisins Gott að Eldast sem er hluti af aðgerðaráætlun stjórnvalda. Sam­komu­lagið var staðfest í Árborg í gær. Viðstödd voru Inga Sæ­land, fé­lags- og hús­næðismálaráðherra, Bragi Bjarna­son, bæj­ar­stjóri Árborg­ar, og Díana Óskars­dótt­ir, for­stjóri Heil­brigðis­stofn­un­ar Suður­lands, auk fjölda gesta.

Liður í samþættingu heimaþjónustunnar í Árborg er að koma upp sérstöku móttöku- og matsteymi þar sem fulltrúar HSU og fulltrúar félagslegrar stuðningsþjónustu Árborgar fara yfir sameiginlegar umsóknir vikulega. Einnig er unnið að því að koma upp einni þjónustugátt fyrir allar beiðnir. Með þessu sam­starfi tryggj­um við að þjón­ust­an sé veitt á rétt­um tíma, af rétt­um aðilum og með heild­stæða sýn á þarf­ir hvers og eins. Þetta er mik­il­vægt skref í átt að samfelldri og ein­stak­lings­miðaðri þjón­ustu þar sem heil­brigðis- og fé­lagsþjón­usta vinna sam­an í þágu not­and­ans.

Díana Óskarsdóttir, Inga Sæland og Bragi Bjarnason skrifa undir

Heiða Ösp Kristjánsdóttir sviðsstjóri fjölskyldusviðs hjá Sveitarfélaginu Árborg

Herdís Björnsdóttir, sérfræðingur í félags- og húsnæðismálaráðuneytinu og starfsmaður Gott að eldast

Margrét Björk Ólafsdóttir, hjúkrunarstjóri Heilbrigðisstofnunar Suðurlands, og Guðbjörg Pálsdóttir, iðjuþjálfi hjá félagslegri stuðningsþjónustu Árborgar, kynna samkomulagið og samvinnu milli stofnana