Samið um fjarheilbrigðisþjónustukerfi og samtengdan búnað
25. nóvember 2022
Þann 22. nóvember 2022 var undirritaður samningur við Öryggsmiðstöð Íslands um kaup á mælitækjum og leigu á hugbúnaði fyrir fjarheilbrigðisþjónustu. Þetta er mikil tímamót og bylting í að bæta þjónustu HSU og efla nýja Öldrunar- og Heimaspítala þjónustu HSU.
![](https://images.ctfassets.net/8k0h54kbe6bj/4sNdiBHSQvWloSeJ0Wx6eN/8c3c88133725d0f26aafb394a4944fa2/Oryggismidstodin-979x587.jpg?w=50&fm=webp&q=80)
![Öryggismiðstöðin](https://images.ctfassets.net/8k0h54kbe6bj/4sNdiBHSQvWloSeJ0Wx6eN/8c3c88133725d0f26aafb394a4944fa2/Oryggismidstodin-979x587.jpg?w=774&fm=webp&q=80)
Þann 22. nóvember 2022 var undirritaður samningur við Öryggsmiðstöð Íslands um kaup á mælitækjum og leigu á hugbúnaði fyrir fjarheilbrigðisþjónustu.
Hugbúnaðurinn sem um ræðir kemur frá norsku heilbrigðistæknifyrirtæki og í honum er svokölluð stafræn heilsugátt sem sendir öll gögn í ský og gerir heilbrigðisstarfsfólki HSU kleift að sinna fjareftirliti með sjúklingum t.d. í heimahúsum. Eftirlitinu er sinnt með skjáheimsóknum, spurningalistum og mælitækjum sem tengd eru við sjúkling og senda gögn beint í hugbúnaðinn. Í kerfinu er sett upp heilsuplan fyrir sjúklinga og kerfið greinir breytingar á heilsufari sjúklings. Þá fær starfsfólk tilkynningu frá kerfinu og bregst við. Markmiðið með kerfinu er að bregðast hratt við breytingum á heilsufari sjúklinga og draga úr frekari versnun með snemmtækri íhlutun. Kerfið býður einnig uppá notkun rafrænna lyfjaskammtara og eru þeir vaktaðir í gegnum stafrænu heilsugáttina.
Þetta er mikil tímamót og bylting í að bæta þjónustu HSU og efla nýja Öldrunar- og Heimaspítala þjónustu HSU og gera fólki kleift að vera sem lengst heima í sínu umhverfi með aðstoð tækninnar, hjúkrunarfólks og aðstandenda.