Heilbrigðisstofnun Suðurlands
Lionklúbbur Selfoss veitir bráðamóttöku HSU styrk
11. febrúar 2026
Lionsklúbbur Selfoss hefur veitt bráðamóttöku HSU styrk til kaupa á Inmu relax púða. Þessi púði er skynörvandi tæki með tónlist og djúpum titring.
Kolbrún Gunnarsdóttir deildarstjóri bráðamóttökunnar tekur við gjöfinni frá Ólafi Hafsteini Jónssyni, formanni Lionsklúbbsins á Selfossi
Púðinn breytir hreyfingu sjúklinga í róandi tónlist og veitir þeim þannig slökun. Hann mun nýtast mjög vel fyrir þá sem þjást af kvíða, heilabilun eða óráði.
Óráð er heilkenni sem getur komið upp hjá einstaklingum og einkennist af truflunum á athygli, meðvitund, vitrænni getu og skyntúlkun. Þetta er tímabundið ástand og getur t.d. komið við veikindi eða að leggjast inn á sjúkrahús. Sjúklingar á bráðamóttöku eru sérstaklega í áhættu við að fá óráð.
Púðinn hefur reynst mjög vel hjá sjúklingum á deildinni og hefur m.a. læknað sjúkling af tímabundnum ofsakvíða sem hefði annars þurft að fá róandi lyf. Við notkun á púðanum náði sjúklingurinn ró og náði að sofna, segir Kolbrún Gunnarsdóttir deildarstjóri bráðamóttöku.
Fulltrúar Lionsklúbbs Selfoss ásamt Kolbrúnu Gunnarsdóttir deildarstjóra bráðamóttökunnar, Andra Heide yfirlækni bráðamóttökunnar og Höllu Arnfríði Grétarsdóttir aðstoðardeildarstjóra bráðamóttökunnar