Samkomustaðurinn var í skjólgóðum garði hjúkrunarheimilisins Móbergs. Boðið var uppá grillaðar pylsur og ís og muffins í eftirrétt. Fjölskyldur starfsfólks komu í heimsókn sem og aðstandendur heimilsfólks með sínar fjölskyldur og kór Hvítasunnusafnaðarins söng fyrir alla.

Til að gera þetta enn skemmtilegra var fullt af leikdóti fyrir krakkana, candy floss og andlitsmálning í boði fyrir alla sem vildu og voru þó nokkrir heimilsmenn sem létu slag standa og fengu málaða mynd á andlitið.

Allir nutu dagsins og góða veðursins og höfðu gaman að því að horfa á ungviðið hlaupa um og leika sér. Einstaklega vel heppnaður og góður dagur sem verður endurtekinn árlega úr þessu.