Heilbrigðisstofnun Austurlands
Veglegar gjafir til HSA í Neskaupstað
9. september 2026
Heilbrigðisstofnun Austurlands hefur að undanförnu tekið á móti fjölda veglegra gjafa til Umdæmissjúkrahússins í Neskaupstað og var haldið þakkarhóf í gær, 8. september til að veita þeim formlega viðtöku. Gjafirnar eru mikilvægt framlag til starfseminnar og stuðla að bættri aðstöðu, þjónustu og búnaði sem nýtast bæði fyrir skjólstæðinga og starfsfólk.
Heildarverðmæti gjafanna sem þakkað var fyrir nema tæpum 15 milljónum króna. Við færum eftirfarandi velunnurum okkar innilegar þakkir fyrir ómetanlegan stuðning:
Hollvinasamtök Umdæmissjúkrahúss Austurlands í Neskaupstað
Hosurnar
Hlynur Sveinsson
Kaupmannasamtökin
Kvenfélag Íslands
Olíusamlag útvegsmanna í Neskaupstað
Við erum afar þakklát fyrir þann hlýhug og stuðning sem stofnuninni er sýndur en gjafir sem þessar skipta okkur miklu máli og nýtast beint í þágu samfélagsins.
