Heilbrigðisstofnun Austurlands
Þessi frétt er meira en árs gömul
Minningarstund í Norðfjarðarkirkju
22. ágúst 2024
Í kjölfar hörmulegs slyss við Hálslón vill Heilbrigðisstofnun Austurlands koma eftirfarandi á framfæri. Samfélagið á Austurlandi er í sameiningu að takast á við mikið áfall og vinna úr því. Með samfélögunum koma að áfallaviðbragðinu margir aðilar svo sem prestar, HSA, Rauði Krossinn, sveitarfélögin og aðrir sérfræðingar.
Við bendum á að Hjálparsími Rauða Krossins er opinn allan sólarhringinn í síma 1717.
Þá er einnig hægt að fá samband við geðheilbrigðisteymi HSA með því að senda póst á netfangið afallahjalp@hsa.is, hafa samband við presta í gegnum netfangið afallahjalp@kirkjan.is eða hafa samband við félagsþjónustu Múlaþings í síma 4 700 700 eða með því að senda póst á netfangið mulathing@mulathing.is.
Minningarstund verður haldin í Norðfjarðarkirkju í dag 22. ágúst kl 18:00. Auk þess hafa prestar boðið upp á samtöl við þá sem eiga um sárt að binda í Norðfjarðarkirkju.
Egilsstaðakirkja verður opin í dag 22. ágúst kl 15-17 fyrir þau sem vilja leita huggunar, styrks og vonar.