Markmið Jafnvægisvogarinnar er að virkja íslenskt viðskiptalíf til að verða fyrirmynd jafnréttis með því að jafna kynjahlutfall í efsta lagi stjórnunar skipulagsheilda. Þar er horft til þess að hlutfallið milli kynja sé a.m.k. 40/60 en hjá HSA eru konur 3 af 5 þeirra sem sitja í framkvæmdastjórn og því hlutfall kvenna 60% en 87% starfsfólks stofnunarinnar eru konur.

Þrátt fyrir lög um jafnan rétt karla og kvenna og lög um kynjakvóta í stjórnum, hefur staða kvenna lítið breyst í gegnum árin, einungis 21% framkvæmdastjóra í atvinnulífinu hér á landi eru konur og er hlutfallið 24% séu stjórnendur stofnana og sveitafélaga tekin með.